الجمعة: 29/03/2024 بتوقيت القدس الشريف

حاجي تْلوب وتتألّم..!!

نشر بتاريخ: 11/10/2015 ( آخر تحديث: 11/10/2015 الساعة: 15:00 )
حاجي تْلوب وتتألّم..!!
بقلم: سيمون عيلوطي

غنّي يا قلبي غنّي
مِثْل الأطيار
إحكي لأهلي عنّي
شوقي للدّار

من مدّه صافن وحدي
تايه حيران
عا دربي مش مستهدي
تْزيد الأحزان
تْروح السّنه وِتْعدّي
تْمرّ الأزمان
يا قلبي ناطر وعدي
عا جمر النّار

حاجي تْلوب وتتألّم
يا قلبي كِنْ
أصبُر، دقّاتك إرحَم
أحسن مَ تْجِن
عايِش كَنّك بِجْهنّم
لا حَدّ يْحِن
وَلا قدّامك بَرْعَم
زِرّ الأزهار!!

*من المسرحيّة الشعريّة "بنت القسطل" (صفورية) التي ستصدر للشاعر قريبًا.