أضف الى المفضلة RSS خدمة اجعلنا صفحة البداية

بحث متقدم

صـــــورة وتـعـلـيــق
كم مرة بالسنة ترى تصليحات في شوارع منطقتك ولا تصمد وتتلف، لماذا؟!
نشر الجمعـة 10/07/2009 الساعة 18:21
الطباعة ارسل الى صديق
1 ) عوده الشمري / غزه
10/07/2009 18:37
بصراحه هذا الموضوع كثير يحصل لانه لا توجد رقابه على المشاريع الجديده تخاف الله وتخشاه= هذا لكي يبقى المشروع مكان نهب وسرقه مبرمجه والله من وراء القصد

2 ) محمد خليل / فلسطين
10/07/2009 18:40
في البدايه اود ان اشكر القائمين على هذه التصليحات
حيث ان الامر لا يخلو من مشاكل تواجه المواطنين من عده نواحي كأغلاق الطرق والازعاج المتكرر حيث انني اسكن في مدينه طولكرم التي تحظى بمثل هذه الاعمال على مدار السنه ............ وشكراً لكم

3 ) احمد / بيت لحم
10/07/2009 18:42
السبب واضح لا يوجد بالاساس بنية اساسية ومخطط اساسي لخطوط الهاتف والكهرباء والماء فمثلا بعبدو شارع معين وبخسرو عليه بعدين بييجو بحفروه من اول وجديد وبخربوه السبب خلل في خط مياه او كهرباء

السبب الاساسي لا يوجد بنية اساسية ومخطط ورح نضل هيك


4 ) عنان / الامارات
10/07/2009 18:42
لم اشاهد في بلدي اي من التصليحات .كل شيئ في بلدي جميل واصلاحه يتم في سويعات...اذا حدث اي عطل لاقدر الله.a7lasweety2010@hotmail.com

5 ) موسى / الخليل/فلسطين
10/07/2009 18:44
لانو يا نشاما اللى بغلط المرة الاولى اقصد من المقاولين لاتتم معاقبتة عالاقل بعدم اعطاؤه عمل اخر

6 ) عـُـروبــــه / خليــلُ الرّحمــن
10/07/2009 18:50
بلدة يطّا المنسيـّه جنوب مدينة الخليل تعاني من إهمال ٍ شديد إن كان على مستوى تعبيد طرق او أي نشاط مدرج في أجندة البلديـّه يؤجّل إلى حيثُ لا نعلم بحجج ٍ واهيــه مع العلم أنها من أكبر المناطق الواقعه قضـاء الخليــل ومن الفترض أن تغدو في المستقبل محافظـه مستقله_ الي 3 سنين مقيمه فيها ما شفت اشي يتصلح .

7 ) غزاوي / غزة الابية
10/07/2009 18:51
في غزة اي شئ يتلف لايتم اصلاحة لعدم وجود المواد اللازمة. يعني اللي بيتلف عنده شئ يا ويله و يا سواد ليله.

8 ) لاجىء من مخيم الدهيشه / فلسطين
10/07/2009 18:51
مرحبا حقيقة الشوارع عنا لما تتزفت في المخيم الناس بتصير بدها تحفر لماسورة ماء او ما شابه وكانه بستنا في الشارع تمنو يكمل وببلش في مشاريعو الخاصة وكمان الشارع عنا ما بزفتو او ما بصلحو الا اذا بلغ عمق الحفر متر وكمان شغل الشوارع مش كتير مرتب لانو بكون ارتفاع الزفتة 2سنتمتر مع اول مطرة راح كل شغلهم

9 ) غزاوي / فلسطيني
10/07/2009 18:53
في غزة يوجد شارع حيوي و هو من أهم شوارع المدينة و يربط غزة بالشمال هو شارع النصر ....... قبل 3 سنوات هلك هذا الشارع و بعد ذلك قدمت مختطات لتحسينه و اعادة رصفة ..... و فعلا حفر هذا الشارع و الى اليوم لم يدخل المواد الى غزة و لزال هذا الشارع محفر و مدمر تماما و يدمر أي سيارة تعبرة ...

10 ) كوكو الضعيف / خليلي اصلي اصلي
10/07/2009 18:54
بكفيك شارع الحاووز صارو 162 مره فاحرينو ويخلف عليهم بس سيارتي كل يوم صارت بدها غسيل يا زلمه وشكرا لمعا

11 ) ابن يافا / فلسطين - عسكر
10/07/2009 18:56
تعمل بلدية نابلس بشكل دائم على استغلال عمال الطواريء في العمل لاعادة صيانة شبكات الصرف الصحي ع الشارع الرئيسي علما انها صالحة وهزا يشكل اكبر ازعاج فيزيائي وهدر للطاقات البشرية وعدم ملائمة توظيف العمالة بشكل بنعكس ايجابا ع المجتمع وهزا وضع غير مقبول بالبتة.

12 ) غزاوي / فلسطيني
10/07/2009 19:00
ملاحظة .. هذا الشارع يوجد به آلاف السكان و العائلات " شارع النصر - غزة " ملاحظة أخرى .. هذا الشارع يوجد به آلاف المحلات التجارية و المطاعم التي أفلست من دمار هذا الشارع ملاحظة أخرى.. كل شوارع غزة مدمرة و كل سيارت غزة مدمرة من شوارع غزة المسحوقه ملاحظة هامه .سمعنا أن جميع منح رصف شوارع غزة حولة للضفة

13 ) طارق / الحي الجنوبي طولكرم
10/07/2009 19:00
ازا ما بدي ابلاغ
ما بتزفت الشارع من هون الا و بحفروو من هون
مثلا شارع ارتاح طولكرم شارع رئيسي و لليوم الترقيع فيه هابط
و البلديه ولا كأنها هون
مثال أخر : الشارع الرئيس زفت قبل 50 يوم و ها هوو محفر من جديد
ابصر شو نسوو هذه المره !!! نفسي اعرف البلديه فيها مهندسين ولا لأ و وينهم !!!!!!

14 ) وجدي / غزة
10/07/2009 19:03
والله احنا الن 3 سنين ما شفنا الحاجات هادي
كلو بيخرب وما في حد بيصلحو
بنشوف خراب ما بنشوف عمار
ربنا يفرجها علينا

15 ) منال / غزة السوداء
10/07/2009 19:03
بغزة كل يوم تصليحات .. والسبب أنفاق وسراديب تحت الأرض .. حياتنا صارت كلها خوف وحزن .. ياريت تعود السلطة وتقضي على ظلام غزة وتعيد لغزة نهارها المفقود

16 ) ابو ابراهيم / فلسطين
10/07/2009 19:04
المشكله الحقيقيه ان وزارة الحكم المحلي بشكل عام و البلديات بشكل خاص لا يوجد عندهم نظام للبنيه التحتيه عوضا عن الغش في المواد المستخدمه و غير المطابقه للاوصاف العالميه هذا كله يؤدي الي فتح الشارع في السنه ميه مره مره ناسيين خط ماء مره كهرباء مره تلفون ما في نظام و الله يفرجها
naserzone@hotmail.com

17 ) ابو سامي / نابلس جبل النار
10/07/2009 19:09
كل مده بشوف تصليحات و الشارع بقعد معاهم سنوات ,,, هي من يوم ما اجت بلديه حماس عنا في نابلس و كل مده حفر و طم ,, حفر و طم ,,, ما في عندهم رؤيه مستقبليه و بعدين بسترحصوا في المواد و كل شي

الله يرحم ايامك يا ابو االوليد لمل كنت ماسك بلدية نابلس 100% و الكل بشهدلك

18 ) أبو تريكة / نابلس
10/07/2009 19:09
و الله في نابلس كل ما بيرصفوا شارع بعد باسبوع بحفروه من جديد.. اشي بخزي بجد البلدية عنا فاشلة بهيك شغلات بدهم تاسيس و ياخدو دورات في موضوع الاخلاص و الامانة بالعمل .

19 ) قريوت نابلس / فلسطين
10/07/2009 19:13
والله بتمنى اصير اشوف هيك شغلات ببلدنا
لانه التصليحات بتصير في المناطق الي فيها خدمات
انشالله يصير عنا خدمات عشان نشوف التصليحات

20 ) ف.ب.ف / ف
10/07/2009 19:23
شكرا لكم في وكالة معا
انا من غزة وأرى أن يسال كم مرة منذ نشأتك رايت تصليحات في شوارع منطقتك ؟ وكم تحتاج لكي تصلح وليس لكي تتلف لان الشارع بضل اشهر وهما لساتهم بدهم يعملوه . لا حياة لمن تنادي

21 ) ديانا / عروبستان\ فلسطين
10/07/2009 19:26
كل الحق على السلطه

22 ) الصقر / القلعة الصفراااء
10/07/2009 19:28
نرى بالسنة 100000000000000 مرة ولكن لا تكمل لسه قلة التصليح احسن زي شارع النصرات الرئيسي المؤدي للبحر

23 ) شاهد عيان / فلسطين
10/07/2009 19:28
الإجابة على سؤالك يا معا

هو بسبب غياب الضمير المقاول بدو يربح ما بيحب يربح عادي يعني اكيد راح اتكون صفقة العمر


و الحكومة نصابة بدها اتعمر كل فلسطين بشيكل واحد و ابتعتبر الشيكل غالي كمان

24 ) Rand / Palestine
10/07/2009 19:28
اولا شكرا على طرح الموضوع ثانيا منطقة رام الله بالقرب من ضريبة الاملاك على مدار السنة بشتغلو بالطريق شي مقرف يعني اللي بمر من هناك بصير كانه طالع من الورشة ثالثا أرجوا طرح مشكلة التعيين في الوظائف العامة والمحسوبيات وانا عندي بعض الامور الموثقة اذا احتجتموها بخصوص هذه المسألة تحياتي

25 ) ام احمد / غزة
10/07/2009 19:28
فى غزة يتم التفحير طول الليل فقط ولا نعرف ما الدى يقمون بفعله ولا احد يقدر ان يسئل عن السبب حتى انهم قاموا بتفحير الشوارع واصبح الناس غير قادرين جزئيا من المرور

26 ) بنت الارض / جنين
10/07/2009 19:31
قبل اسبوع انتهى مشروع ترميم واصلاح في شوارع قريتنا وما شاء الله اشي ممتاز

27 ) نابلسي / نابلس
10/07/2009 19:34
التعليق انحيازي يا كنترول لي هلحكي الي ما الو طعمة ولا لانو البلديات مستلمتها حماس كل العمل بجنن والله يعطيهم العافيه وبصلو بحق وحقيق وشكرا على جهود بلديتنا الحبيبه بلدية نابلس وعلى راسها اخونا وحبيبنا المهندس عدلي يعيش والف شكرا لبلديه قلقيليه الاسود وعلى راسها المغوار وجيه قواس

28 ) محمد / غزة فتحاوية
10/07/2009 19:35
انا من غزة سكان المنطقة الوسطى
التصليحات والحفريات بالشرواع لاتنتهى ابدا ولا مرة بعملو فيها اشى وبعملو اسفلت جديد ومية مية لسا ما بكمل اسبوعين وبنشوف اللجرافات بلشت حفر .
وبصراحة حسب رايى وراى الناس انها شوية مصصارى ودعم جاى للبلدية وبدها تنهبوا ولكن بعملو حجة التصليح .عشان هيك عمرها ما تزبط

29 ) مجدي-بيت امر / الخليل
10/07/2009 19:37
الاشياء هاي بنشوفها عندنا في البلد
والبلديه بتشتغل على طول وكل شئ الف الف
وهاي اقوى بلديه بتمر على مستوى الخليل كلها
والف تحيه الى رئيس البلديه واعضائها المحترمين

30 ) قسامي / غزه القسام
10/07/2009 19:48
الحمد لله بلديات غزه حاليا تقوم بتصليح جميع الطرق ومد شبكات مياه للبيوت جديده وهناك توزيع مياه مفلتره حلوه بدون نقود علي البيوت وبارك الله فيهم وفيكم ايضا

31 ) الياسر ... أبو شهد / رفح جنوب فلسطين
10/07/2009 19:51
والله الحقيقة واضحة عندي انا اغلب السنة تصليحات في الخطوط ومجرد انتهاء العمل منه ..... ثاني يوم ترى مشكلة اخرى في نفس الشبكة وهذة مشكلة نعاني منها لآ اعلم هل هو سؤ تخطيط اما ماذا نتمنى من الحكومة المسؤلة الأخد بهذه المشكلة ..
كل الشكر لوكالة معا الإخبارية
على حرصها في قضايا الوطن
ياسر ..... رفح

32 ) ابو ساره / غزه
10/07/2009 19:52
هاي بقلك السلطه متكونه من ثلاث شركات, شركه بتفحر وشركه بتوضع انابيب في الحفر الشركة الثالثه بتردم الحفر , يوم الشركة بتاعة الانابيب توقفت عن العمل ,فضلت برده الشركات الاخرى بتاعة الحفر والردم بتشتغل ليه ما بتعرف

33 ) محمد / فلسطين
10/07/2009 19:59
عندنا في رفح كثير ما يتم اصلاحات في الشوارع وبعد ذلك رصف الطريق تاتي من جديد الافكار لطرح اصلاحات جديد ما الشارع كويس بكسرو بعدين هات الايصلحوا وشكرا لمعا

34 ) خالد / غزة
10/07/2009 20:00
طبعا انا من غزة ولا توجد تصليحات والحمد لله فالبنية التحتية عندنا ما زالت قوية برغم الحرب والدمار وان كان هناك بعض التصليحات الخفيفة مثل حنفية المية بدارنا لانها شغل مصري من الانفاق
لكن كل شئ على ما يرام يامعا

35 ) شريف / فلسطين - غزة
10/07/2009 20:11
للأسف انتم تعلمون بان شعب فلسطين مدمر كليا ليس على الطروقات او المشاريع التى تم عملها وتم التوقف لقلة الميزانيات او الدعم المادي شعب غزة يريد العيش بكرامة وبحرية كباقى الشعوب العربية والغربية والإسلامية غزة مدمرة الضفة محاصرة أى كرامة متواجدة لنا انا اتمنى من كل ضمير حي يغيث شعب فلسطين كاملتا

36 ) المارد - بيت جالا / فلسطين
10/07/2009 20:12
انا اسكن في منطقة مدرسة طاليطا قومي بس تعرفو ياجماعة ما بنشوف الماء كل شهرين او ثلاث مرة ولمدة يوم وما في تمديدات مجاري الى المنطقة بس والله ما بعرف ايش عم يستنوا

37 ) هواري / فلسطين
10/07/2009 20:12
افضل بل ارقى انواع الشحاتة لدى المسؤلين ازاي يشتغلوا على الكتاف الشعب(من مال الشعب يامناضلين)

38 ) قلقيلية / فلسطين
10/07/2009 20:13
كتييير والان يقومون في مشروع كبير في مدينة قلقيلية في وسط البلد

39 ) إبن الخليل / فلسطين
10/07/2009 20:14
أنا من منطقة الخليل وبكل صراحة مليون مرة خربت الشوارع من راس الجورة وعين سارة للحاووز يعني الشوارع بصراحة صارت غير صالحة حتى يمشي عليها البشر كيف السيارات ؟؟
وشكرا
أرجو النشر

40 ) صلاح اللحام / الدهيشة
10/07/2009 20:14
لانه ما بفطنو لتصليح المياه والمجاري ورفع المناهل \\بعد تزفيت الشوارع عنا في مخيم الدهيشة زفتو الشارع طبعا ترقيع لانه مارفعو المناهل برجعو يحفرو الشارع

41 ) Truth / Yabad/Jenin
10/07/2009 20:15
اااااخ على المقاولين 5 مرات بحفروا الشارع لانه لا يوجد تخطيط مسبق.. تعبيد الشوارع يجب ان يتم ضمن مخطط وبناء للبنية التحتية من حيث مد مواسير المياه والهاتف والكهرباء وكذلك يوجد مسارب احتياطية تستخدم اذا جد جديد في المستقبل. عنا بحفروا الشارع 5 مرات وكل مرة بنسوا شغله كله من سوء التخطيط و الكل بده ينه

42 ) KoNvIcT / فلسطين
10/07/2009 20:16
احنا عنا في طولكرم بالسنه بعملو حفريات في الشوارع 5 مرات ازا مش اكتر . بحفرو وبزبطتو وبعديها بأكمن شهر بيجو بحرفو الشارع نفسو وبقعدو عليه اشهر وهومي يزبطو فيه. ازا اشي قرف وزهق عنا بكفي انهم خربو الشوراع هاي غير المحلات الي بتتضرر من الحفريات. لا مقاول زي الخلق ولا بلديه زي الخلق كلو فراطه

43 ) ابن طولكرم / فلسطين
10/07/2009 20:17
ليس هذا السؤال ولكن السؤال الذي يطرح نفسه لماذا يحدث هذا ؟؟؟

44 ) غولمه_الخليل / فلسطين
10/07/2009 20:18
والله يا جماعه انو الو حد بيكو ن ماشي بسياره بيحتار في ايه جوراه بدو ينزل او ايه مطب شوارع عنا ما شاء الله بزبطوه وبذفتوه وبعدين بينسو مجرفه او فاس او مقطف بيفحرو شارع كلو على شان يطلو ائل ليش ائل لنو عوهد الا مانه انشري يا معا

45 ) كنترول معا / بيت لحم
10/07/2009 20:22
ارجو من المشاركين الاعزاء كتابة منطقة سكنهم خلال التعليق.

كما واتمنى كل من يرى بقضية في اي مدينة او مخيم او قرية لها اهمية لطرحها هنا، ان يكتب لنا هنا ما يريد، وسنطرح قضيته في التعليق القادم، وليس هنا لنعطي مساحة لكل قضية بشكل منفرد

46 ) الخليلي / جمهوريه الخليل العظمى
10/07/2009 20:25
المشكله انو البلديات عندنا بتبدا المشروع من النهايه يعني بالاول بتزفت الطريق بعيد بتعمل بنيه تحتيه ربنا يهديهم

47 ) محمد / فلسطين
10/07/2009 20:27
الجواب بكل سهولة هو الافتقاد الى ادارة عامة

48 ) الياسر ... أبو شهد / رفح جنوب فلسطين
10/07/2009 20:34
المشكلة يا معا الحكومة . الحكومة لا تحوي في طياتها مهندسين يخططوا برامج التنفيذ .. يعني عندما يمدوا خط مياه في منطقة وينتهي العمل ويرصف الشارع ثاني يوم يتذكروا انهم لم يمدوا خط فرعي لشارع اخر المشكلة هي هي عدم وجود عقول هندسية او تخطيطية لتنفيذ العمل
كل الشكر لوكالة معا الإخبارية
على حرصها للوطن

49 ) فلسطيني / فلسطين
10/07/2009 20:35
يمكن ارجاع ذللك الى اكثر من سبب ومنها 1\ادول المانحه عندما تقدم مشروع لاي بلديه لا يكون هناك تنسيق مع بعض لان يبدا العمل من موضوع والانتهاء منه ( بنعمل اشوي وبعدين بنرجع نكمل ) ويكون التخطيط لا يناسب التطور في المناطق الذي ينفذ فيها المشروع ويكون مجال الخدمه المشروع فيها لفتره موقته فقط ويعود

50 ) قلقيليه / فلسطين
10/07/2009 20:39
من شان الله خليهم يخلصوا بسرعه بشتغلو ليل نهار بقلقيليه لا بنام ولا بنرتاح بدنا نخلص منيح التطور بس مش كتير منيح الشغل كل تلات اربع سنين بحفروا صار اسم البلديه ابو فاحور

51 ) جوج / فلسطين
10/07/2009 20:42
بصراحه كل الشعب بدو فرمته بعدين كل شي بصير تمام وما بضل مشاكل.

52 ) احمد / شرقي بيت لحم
10/07/2009 20:46
يا جماعه في شارع اهم من كل الشوارع وهو شارع الي بربط الشمال بالجنوب شارع واد النار الي كله مخاطر وواللتفافات خطره يا ناس لازم توجدوا بديل لهذه الشارع ويا ريت ينطرح هذه الموضع وينحط في راس الاولويه كل يوم حادث على هذه الطريق وكم انسان مات بسبب هذه الطريق وكم سياره انقلبت في اسفل الواد شكرا لمعا ؟؟؟؟

53 ) شوارع من الاخر / طولكرم
10/07/2009 20:50
هاي الصوره في طولكرم مشروع تغير شبكه المياه في جميع انحاء المدنيه
حفرو الشوارع شارع ورا شارع وزقه ورا زقه في بعض الشوارع تم تزفيتها بس كتير منها تم عمل ترقيع
صارلهم سنتين في المشروع نفسي يخلصو وان شاء الله يزفتو وراهم كامل مش رقع الشوارع مليانه رقع ومنظرها مقرف والمشي عليها غلبه للناس والسيارات

54 ) جهاد عمهر / غزه
10/07/2009 20:53
التصليحات كل يوم بنشوفها قدامنا لان البلديات بترصف الشوارع بعد وقت بترجع تفحر علشان تمد خطوط المياه بعد وقت بترصف وبعد مده قصيره بتيجي شركهه الاتصالات تمد خطوط جديده حتي اصبحه الشوارع كلها مطبات

55 ) محمد عبد الكريم أيوب احمد / عزون عتمه
10/07/2009 20:54
ارى تصليحات كثيره ولكنها تصمد وتستمر بسبب الاتقان في العمل والامانه والمتابعه المتواصله من قبل المجلس القروي

56 ) طارق حجاوي / حجة
10/07/2009 20:58
كل يوم بنشوف حفريات جديدة
بس ما في مجال انها تروح ابدية ... لا بعد سنة بتنفتح نفس الحفرة
هاد الشي سببه انه ما كان تخطيط من الاساس

57 ) khaled / NABLUS
10/07/2009 20:59
لا يوجد ادارة في بلادنا هذا هوالسبب والاهمال المتعمد من قبل الادارة وعدم التخطيط ولا يوجد محاسبة لا صحاب القرار المهملين

58 ) محمد / غزةستان
10/07/2009 21:00
ههههههههه هم بيضحك وهم بيبكي ..

الشوارع مكسرة وكأننا نعيش في الصعيد الجواني ،، لارقابة ولا اهتمام ولا مسؤولية ولا خوف من الله ،، مسؤولين همهم الكرسي والمنصب ،، والشعب يلعن أبوه

59 ) النسر الاحمر / الخليل
10/07/2009 21:27
انا بااعتقد انو لاازم الشغل يكون هيك والابلااش كيف بدها العالم تشتغل لاانو فى عندنا بطاله كثير خلى هاالشباب تشتغل ماكلها اموال ومشاريع بتيجى من اوروبا وامريكا وهيك بدهم الممولين يصروفوها

60 ) حمساوي من بيت لحم(الدوحة) / فلسطين الخضراء
10/07/2009 21:31
بسم الله الرحمن الرحيم
هذا الموضوع يستحق النقاش فالبلديات ينقصها الادارة الكاملة فمثلا تقوم بحفر الشوارع لتمديد المجاري تاتي بعد شهر او اكثر لتمديد خط مياه وبعدها لتصليح خط المجاري وبعدها تاتي لتوسيع الشارع وبعدها ...
قد يكون السبب عدم توفر التخصص في كل الاوقات او توفر المال لتمويل المشروع

61 ) ابراهيم / طولكرم
10/07/2009 21:36
والله قرفونا انا درست باحدى المدارس الصف العاشر انحفر الشارع الحادي عشر انحفر التوجيهي انحفر يعني كل سنة بنحفر وذلك بهدف السرقة

62 ) حامد / قلقيليه
10/07/2009 21:41
كتييير والان يقومون في مشروع كبير في مدينة قلقيلية في وسط البلد وعنا كمان قاعدين بحفرو في شارع نابلس ونص البلد
boy.naz@hotmail.com

63 ) بنت غزة فتح / فلسطين
10/07/2009 21:42
بصراحة نحنا بغزة كل شي اعد يدمر وما بنشوف اي نوع من الاصلاح من تلات سنوات وغزة عم يسوء وضعها (حسبي الله ونعم الوكيل)

64 ) ابو فارس / غزة
10/07/2009 21:49
اول شي مشكورة معا علي كل مجهوداتها بس هادا موضوع مش مستاهل النشر
لانو معرف احنا بلد تحت الاحتلال احنا كل بنعمر حجر الاحتلال بهدم عشرة واحنا دعمنا مساعدات يعني مش هالدولة الي خاسس عليها شوارع انضيفة مصلحة بس وشكرا

65 ) غزاوى اصيل / حماسستان
10/07/2009 21:49
اولا شكرا لوكالة معا على هذاالاهتمام(اغلب الشوارع فى غزة مدمرةبسبب الحصار وكذلك عدم وجود حكومة او بلدية تقوم باصلاحات واعمار وانما وجود حكومة شكلية وليس فعلية)وياااااااااااااارب تفرجها

66 ) محمود / غزة السوداء
10/07/2009 21:52
انا من غزة ومن منطقة الشمال يعنى احنا عنا ماشاء الله الشوارع رملية خلقة ربانية وحماس من اسبوعين او 3 بدت تفحر الشوارع وتمد شبكة اتصال خاصة الها ما بتعرف لايش يعنى يمكن الغام المهم الشوارع ما بنمشى فيها وكل يومين مغرزو السيارة وزق يا معلم والموتسكل بالعافية بتمشى يعنى الله يحرقها من بلد (غزة)بمنفيها

67 ) فلسطيني / الامارات
10/07/2009 22:02
اول ملاحظه على هذه الصوره امها تخلو من السلامه والامانه يعني حفره وشغل وما في يشير انه في شغل
ما في استعمال للسلامه من الحواجز البلاستيكيه وغيرها من الامور المستخدمه وشاصه انه في الاشهر الماضيه تم الاصابات والموت للعماله في المشاريع في ارض الوطن وذلك لعدم اتباع امو السلامه والامان

68 ) ابن المخيم / مخيم العروب
10/07/2009 22:07
في مخيم العروب كما تعرفون الذي يدير المخيم الجنه الشعبيه للخدمات ولا يوجد عندنا بلديه وبنسبه للخدمات سواء من تصليح شوارع والا ما ذالك كل يسير بعنابه وتقان مع بعض التجاوزات الخفيفه التي لا تذكر ولي بقول غير هيك ينظر الى المخيم قبل ما تستلم الجنه عملها اي قبل 6سنوات

69 ) محمد / غزة
10/07/2009 22:15
احلى تحية للاخ ناصر اللحام والعاملين فى الوكالة للاهتمام بهذه المواضيع لانها ضرورية جدا بالنسبة للمواطنين ونحن نطالب الاهتمام بلمراقبة والمحاسبة للمقاولين

70 ) روان / الولايات المتحدة الفلسطينية
10/07/2009 22:15
لماذا؟؟؟؟؟ لاننا بفلسطين :[

71 ) أبو علي / يطا / فلسطين
10/07/2009 22:19
الحمد لله نحن في مدينة يطا والتي فيها حوالي 50 مدرسة وعدد سكانها يزيد عن 124 ألف نسمة وستصبح محافظة قريبا لا نرى أي مشروع يهم الناس غير خدمات النفايات ومستشفى حكومي ينقصه كل الخدمات لكن لدينا ستاد رياضي الأكبر في الضفة وعدد هائل من العملاء والمندوبين للسلطة وتجار الحشيش

72 ) ابو حسام / غره
10/07/2009 22:24
الحمد الله احنا في غزه لا نرا اي من التصلحات عشان لايو جد اصلان موسير الي الصرف الصحي في منطقتنا

73 ) يطاوي اصيل / فلسطين
10/07/2009 22:39
احنا كل عشر سنسن البلدية بتجيب مشروع وبقعد برضه عشر سنين وهم يشتغلوا فيه وبعد سنة كانهم ما اشتغلوا شي لانه كله شغل فوضى وحرام بحرام غش وما بزبط شي

74 ) ابو عادل / بيت لحم
10/07/2009 22:40
اول اشي بشكر وكالة معا، والله بحسها امنا الحنونة قد ما هي بتطرح مواضيع بتكون في بالنا واحنا بنعاني منها.
احنا في بيت لحم الحمد لله، الارصفة عال العال نصها بيوسع بسة تمشي عليها، فبالتالي لازم نمشي بالشارع

75 ) نائلة / بيت لحم
10/07/2009 22:42
بيت لحم، والله بيشتغلو على مدار السنة بالشوارع، والسبب اليوم بيحفوا لمواسير المي، وبعد شهرين بيفطنو للكهرباء فبيحفروا بيمدو سلاك، وبعد شهرين بيفطنو للمجاري وبيحفرو، وبس يخصلو بيزفتو زفتة 2 سم ازا نزل الشتا 5 دقائق بتتكسر الزفتة، وبيحطو مواسير مجاري عامة اصغر من مواسير مجاري البيوت

76 ) محمد / غزة
10/07/2009 22:44
الحمد لله ما بنشوف هدي التصليحات عشان ما بتخش مواد من المعابر واذكر في الصيف قامت البلدية بحفر شارع رئيسي وجاء الشتاء والمياه الجارفة فحفرت حفرة كبيرة فاذا بسيارة مسرعة ووقعت في الجورة وتكسرت السيارة وراحت في داهية

77 ) Ehab4 / Tulkarm
10/07/2009 22:47
السبب بكون عائد أحيانا للشركة المتعهدة بالصيانة , من خلال خطأ في تمديد نقطة معينة , أو التربة غير صالحة للتزفيت , أو نسيان شاكوش أو إزميل داخل حفرة, مناطقنا تفتقر للبنية التحتية المتطورة طويلة الأمد بسبب نقص الخبرة والمعدات اللازمة. , غير عمليات الإختلاس ... إلخ .. إلــخ

رابطة مواسير بلا حدود

78 ) جيفارا عاشقة حماس / غزة الرعب القسامى
10/07/2009 22:53
والله غزة مهى ملاحقة تعمر الشوارع لانو اليهود كل يوم والتانى طابين بغزة سلخ يوم قصف ويوم اشتياح والله كان الله بعون اعظم شعب .... والجماعة المقاولين مش مقصرين عزيمتهم حديد بس القصف مابعرف حديد ولا غيرة

79 ) ابو عمر / قلقيلية
10/07/2009 22:56
مساء الخير للجميع وشـــكرا يا اجمل واروع وارقى معا , المشكلة هي بعد ان تقوم البلدية بتزفيت الشارع بفترة قصيرة تأتي حفريات جديدة هي اما تغير شبكة مياه واما عبارات الصرف الصحي . السؤال يأتي من هنا لماذا لا نعمل بالشكل الصحيح اي نحفر الشارع ونجري كل الاعمال الازمة !! الى متى سنضل نقبل مساعدات مشروطة ؟

80 ) ابو صوريف / فلسطين
10/07/2009 22:58
المشكلة انوا ما في تنسيق البلدية بتحفر للماء بعديها بيجي الهاتف وبحفر وبعديها الكهرباء وطول السنة احفر واردم

81 ) قرفان و لكن / غزة العزة
10/07/2009 22:58
الى الاخت منال الله يصلح حالك يعني لازم تلفي عالموضوع و تقلبيه سياسة و انقسام الموضوع واضح في عندكو بشارعكو تصليحات ؟؟؟؟؟؟
اذا بتسمي حفر الانفاق تصليحات شي تاني و بعدين انتي من شو خايفة يا بنت الحلال الخوف لا يمنع القدر و لا يؤجله الله يصلح حالك كمان مرة اي هو في شو بيدخل عغزة تنصلح اي شي غزة منورة

82 ) العزة / غزة
10/07/2009 22:59
والله هل الموضوع ما هو لازم لاهل غزة والضفة الان الاحتلال ما خلي شي مادمره حتي البشر وصلهم الدور

83 ) تميم / فلسطين
10/07/2009 23:02
لا يصلح الله فى قوم حتى يصلحو ما بانفسهم
ان شاء الله بتصلح الشوارع بع ما يصطلحو الفلسطينيه مع بعضهم

84 ) عبد / الخليل-دبي
10/07/2009 23:05
لا يوجد تخطيط صحيح.
يعني اول يوم بيحفروا للكهرباء والتاني للمي والتالت للاتصالات.

85 ) فلسطيني حر / فلسطين
10/07/2009 23:08
من كثر ما في تخطيط ورقابه وكل الحق على البلديات

86 ) عبد السلام / فلسطين_الخليل
10/07/2009 23:14
المشكله انو اي شغل او تزفيت بالشوارع بيكون بدون تخطيط وبدون دراسه مسبقه وبدون اشراف هندسي صحيح فاكثر من 90% من الشوارع بعد ما تتزفت بيحفروا فيها حفريات جديده وبيمدوا انابيب مياه جديده وعلى كل حال الله يصلح الاحول للاحسن

87 ) فادي / فلسطين
10/07/2009 23:23
المشكله ليست فقط بفلسطين.
اولا المشاريع لدينا هي مقدمه على هيئة مساعدات فمثلا اليوم تقدمت شركه كويتيه بمساهمه اعمال تمديدات المجاري فقط في مدينه معينه.عندها نعمل على شبكة المجاري وبعد كم من شهر تاتي دوله اخرى بمشروع شبكات مياه جديده وهكذا....مع العلم انه بلديات فلسطين مقصره جدا بلموضوع

88 ) ابو العبد / العروب
10/07/2009 23:25
انا مهندس وكانت المواصفات عالية على الورق ولكن التنفيذ سيئ ولا يوجد عقوبات على التنفيذ السيء مع تعليمات المهندس التي يتم تجاهلها ولا احد يتابع من المسؤولين اما بخصوص فتح الشارع اكثر من مرة فهذه تتبع التمويل الذي يأتي لمشاريع محددة وبالتالي ييتم فتح الشارع كل مرة ياتي فيها تمويل وذلك لقة التخطيط

89 ) السفاح عبد الله / الفلبين
10/07/2009 23:27
المشكله الحقيقيه ان وزارة الحكم المحلي بشكل عام و البلديات بشكل خاص لا يوجد عندهم نظام للبنيه التحتيه عوضا عن الغش في المواد المستخدمه و غير المطابقه للاوصاف العالميه والرشاوه وارباح المشرفين هذا كله يؤدي الي فتح الشارع في السنه ميه مره مره ناسيين خط ماء مره كهرباء مره تلفون ما في نظام و الله يفرجها

90 ) بسام / غزه
10/07/2009 23:29
كنا على زمن السلطه نرى كثير من التصليحات وكانت تخرب بسرعه ولاكن اليوم لانرى إلا الخراب من دون تصليحات

91 ) ابو احمد اخليل / فلسطين بيت امر
10/07/2009 23:30
السلام عليكم ورحمة الله ... انا شوفير باقر بعمل في المشاريع من الدول المانحه واغلبيه عملي في البنيه التحتيه .بالنسبه للاعمال ممتازه في المنطقه .بالنسبه للجوده حسب المواصفات وحسب مهندس الاشراف. هو وذمته. والله اعلمممم...

92 ) ابن البلد / فلسطين
10/07/2009 23:33
مشكورين على الموظوع والطرق لازم ينعمللها تخطيط للمستقبل متل ما حدث في بيت فجار عملو تخطيط شامل للاكهرباء والمياه من حوالي 4 سنوات وهلا كل شي تمام وارجو الحذو وراء وخلف بلدية بيت فجار

93 ) قائل حق / فلسطين
10/07/2009 23:34
طبعا عشان ينمو الاقتصاد الوطني الفلسطيني كالآتي :
شوارع تالفة، تؤدي الى خراب السيارات باستمرار ، يؤدي الى كثرة الذهاب الى الميكانيكي وشراء قطع سيارات جديد ومستعمل ، وبالتالي كثرة المبلغ الوارد الى دائرة الضريبة
يعني الكل استفاد وما ننسى خلق فرص عمل للعمال اللي بيصلحوا الشوارع وتشغيل المقاولين

94 ) ابوصالح/ الخليلي / فلسطين
10/07/2009 23:35
والله كل سنة بقوموا على حالهم وبسو صيانه يعني بعد ما يزفتوا الطريق بتخرب المياه بعادوا يبحشوا وبعد ما يصلحوا بتخرب الكهرباء الله يعينا على هالحال

95 ) ابو المؤمن / فلسكين الخليل
10/07/2009 23:37
احنا في المخيم ربنا امريحنا الجنة الشعبية مهتمة في كلشي الشوارع بدون مبالغة احسن من شوارع المدن

96 ) أبو المجد / فلسطين خانيونس
10/07/2009 23:42
معظم الشوارع عندنا يحصل بها هكذا والسبب عدم وجود رقابه وإن وجدت الرقابه فإنها تكون مقبوضة الثمن وهكذا الحال بمعظم المناطق . المسؤول الأول والأخير هى الحكومه وهناك سبب آخر وهو قيام الوزاره بعمل طريق معينه وبعد أسبوع أو فتره محدده تجد أعمال فى الطريق لعمل مشروع معين وهذا يعود لعدم التنسيق .

97 ) نابلسي / فلسطين
10/07/2009 23:58
الاولى يا اخوان انها البلديه تصلح بيوتنا المهدومه من2002 على تصليح شارع
مهو احنا الي بستاهل هيك ؟؟؟؟ ما في ميزانيه للبيت وفي ميزانيه لشارع
حسبي الله ونعم الوكيل_اعتذر لسيدعدلي يعيش_والسيد سعيد هنديه________وافهموها صح

98 ) جحا العربي / محفورة
11/07/2009 00:10
يا إخوان الله يسامحكم... القضية هي نفسها بغض النظر عن تحزيب الآراء دائماً! الإخوان عندهم تخطيط وهندسة بس المشكلة إنو كل يوم بكتشفو آثار وبترول تحت الشوارع (بترول آدمي زهق حاله وطفح لفوق)! وبعدين يا أخي كل شركة احتكارية "خاصصصصة" تسمى وطنية وتعمل بالشوارع ما بدا لها!!! ناقص حد يقول إنه السبب الإنقسام

99 ) محمد عليان عاشق حماس / مدينة حماس الخليل
11/07/2009 00:35
بصراحة الشوارع مخزيه جدا .. اولا ضعف كبير بل عدم وجود مشاريع بنيه تحتيه وتكون قصيره ثانيا عدم اهتمام الناس بالشوارع بتاتا وتوسيخها وتخريبها .. ثالثا عدم تنظيفها باستمرار ووجود السيارات التي تشطف الشوارع وتجعلها تلمع لمع رابعا وجود الكثير من الحفريات التي تاتي بعد المشروع وتخرب الزفته شكرا يا معا ..

100 ) أبو يزن الغزاوي / الولايات المتحدة الغزاوية
11/07/2009 00:37
أولاً شكرا لوكالة معاً اللي بتفتح مواضيع تربط كافة أنحاء الوطن اللي اتقطع بسبب عنصرية أحزابنا السياسية و نظرتها الضيقة!

بنشوف رد ابن جنين و ابن نابلس و ابن غزة و الكل بيشارك برأيه.

و أنا بقرأ التعليقات شعرت بشعب واحد (مش فريقين) و الكل بيشارك بالرأي على الرغم أن الموضوع مالهش علاقة بالوحدة!

101 ) اكرم نزال / فلسطين
11/07/2009 00:41
وين وزارة الاشغال العامه وين الا بدهم ينصبو انا احب ان ينشر تعليقي

102 ) أبو يزن الغزاوي / الولايات المتحدة الغزاوية
11/07/2009 00:42
التعليق السابق كان شكر لوكالة معاً و هلقيت مشاركتي الحقيقة في الموضوع ، لذلك أرجو النشر يا معاً

رأيي بالموضوع أنه مش فساد إدارة البلديات فقط هو السبب في ظهور هذه الظاهرة، و لكن يا إخوان تنسوش أنه إحنا شعب محتل و الإحتلال مصلحته نضل تحت رحمته، و بالنسبة لغزة المشكلة بالحصار مش بالبلدية!

و دمتم

103 ) عن جد موضوع مضحك / نابلس
11/07/2009 00:43
لما شفت موضوع الصوره ضحكت لانو هديك اليوم عنا بنابلس قامت البلديه باصلاح شارع زواتا وازاله الزفته القديمه ووضع كركار وزفته جديه قعدو شهر وهم يشتغلو وايامها توفى عامل عندما دحلت عليه المدحله وبعد اسبوع من تزفيته اكتشفو انو في ماسوره مخزوقه عادو وحفرو الشارع من اول وجديد ورقعو ترقيع جد شي بضحك

104 ) ابن مخيم بلاطه / فلسطين
11/07/2009 00:43
انا من وجهة نظري انو هناك تلاعب من قبل المسؤولين بهذا الخصوص وانو ما حد بيسال بهموم المواطنين ولا مشاكلهم لانو ما حد فاضي بس يجب معاقبه كل مسؤول ومندس وخائن ولا يحب مصلحه المواطن

105 ) ابو يوسف / بدون
11/07/2009 00:44
الطرقااااااااااااااااااااااااااااااااات المحفرة للمواطنيييييييييييييييييييييييييييييييييييييين

106 ) ابو سالم رام الله / فلسطين
11/07/2009 00:52
والله ما في كتير تصليحات لانو الشبكة جديدة بس بنسة للخراب وتلف كتير بسبب الصدا واعمل الحفر المخالفة

107 ) عمار كوسوفي / فلسطين
11/07/2009 01:21
مساء الخير المشكله هي ان كل ماتيجي البلديه تصلح العبارت المياه نكون خلصنه من الحفريات تاجي حفريات جديده وتغير شبكه المياه

108 ) ابو رعد / فلسطين
11/07/2009 01:22
السبب فش تخطيط ..

109 ) ابو محمد الفلسطينى / غزة فلسطين
11/07/2009 01:38
للاسف الشديد هناك مشاريع ورصف طرق نفذت فى القطاع كثير جدا ولم تكن البنية التحتية متكامل وبعد فترة من الزمن تقوم البلدية بحفر الشارع فيتسائل المواطن عن السبب فتجيب البلدية مشروع شبكة مياه او مشروع صرف صحى فيتسائل المواطن لماذا لم ينفذ الشروع وحدة متكاملة وذون اهدار الاموال وتستغل فى مشاريع اخرى


110 ) امجد / فلسطين
11/07/2009 01:52
الحمد لله في الخليل البلديه ورئيسها ما بيفكروا غير بالدواوير والنوافير صار عندنا 8 دواوير مع نوافير والشوارع مدمره تدمير. والفائده بس للي بيرعوا الغنم بيلاقوا ميه يشربوا الغنمات.

111 ) حلحول / فلسطين
11/07/2009 02:03
بعرفش اذا بقي مساحة لتعليقي .. بالنسبة لحلحول اذكر اخر مرة اقيم فيها مشروع قبل عشرون سنة اذا لم يكن اكثر .. وفجأة بالامس القريب اشاهد مشروع لا يتصوره العقل البشري انجاز كبير في لحظة تم طلاء جميع الحاويات .. الله اكبر انجاز لكتاب دنيس .. بلديتنا شاطرة بالاخذ .. اكمل تعليقي في تعليق اخر بنفس الاسم ..

112 ) بدوي / فلسطين
11/07/2009 02:09
يا معا اللي معو سياره بيحتار بايا مطب يدب السياره
حتى لسيارات كرهو شوارعنا كيف البشر

113 ) ابو يوسف------ سنيريا / فلسطين
11/07/2009 02:14
اسلام عليكم اقرفونا كول شئ اسمو تصليح او مشريع صرنا 10 سنوات في هلبلد ابنستنامشروع تعبيد اطريق على ارغم انها انو شارع رئيسي بس مع الاسف عنا المجلس فاشل رئيس المجلس وين مافي طريق عضو في المجلس او نسيبه عبدوها صحطين وشكرا.................................................................................

114 ) محمد / الخليل
11/07/2009 02:15
مرحبا .ابتعرفو انه المشكلة بتكون عند البلدية انها ابتتذكر انه في شارع بده تزفييت..بعد شهر ابتتفاجئ انها ما مددت اي تمديدات من كهرباء او ماء او حتى نسيت تحط التمديدات القديمة او حتى نسيت تصلح التالفة او حتى نسيت كل اشي بس تذكرت شي واحد انها تجيب حصمه بسموها بلديتنا زفته لنص الشارع ولمدت سنة ما بضل شي

115 ) شهاب فلسطين / طولكرم
11/07/2009 02:44
أنقدم بالشكر لوكالة معا باهتمامها الواضح فيما يتعلق بالقضايا الحساسة في الوطن الحبيب فلسطين أما بعد يا أخواني:
طبعا هذه أحدى الصور التي ترى بشكل يومي في مدينة طولكرم وهي صورة تقع في مركز المدينة لللأسف السبب واضح وما بده توضيح سوء التخطيط الناتج عن قلة الخبرة وعدم توفر كفاءات للعمل في هذا المجال.

116 ) ابو العبد / فلسطين
11/07/2009 03:20
عنا الحكومة لما بدها تعمل شارع اول اشي بزفته بعدين بدهم يمدو للكهربا شو الحل بحفرو الشارع وبرجعو بزفتو كمان مرة بعدها خطوط المي برجعو بحفرو وبزفتو بعدها التلفون وهلم جرة !!!!!!!!!!!!!!!!! والله يعنا

117 ) مجهول الهوية / اسرائيل
11/07/2009 07:39
الله ياخدها البلدية عندنا قديش يصلحوا عندنا ويخربوا

118 ) محمد / فلسطين
11/07/2009 07:40
بلديه حلحول اها سنه كامله بتحفرفي شارع القدس الخليل وما عملت في اي فايده الا الغبره والخراب للناس

119 ) أبو زيد / غزة
11/07/2009 07:47
المشكلة الحقيقية هي عدم وجود أي ذرة ضمير لدى المقاولين والمسؤولين عن هذه الأعمال يا اخوان لما صلحوا في شارعنا المجاري وبلطوا الشارع المهندس قال هذا الشغل غلط فهجم عليه المقاول المسؤول عن الشغلة وقال له بالحرف الواحد "ديتك في جيبتي اللي وراء" حسبنا الله ونعم الوكيل على هيك شركات نصب ونهب

120 ) ابو خليل / قلقيليه الصمود
11/07/2009 07:51
اخي العزيز ظاهره كتير تزعج المواطنين ونرى ان اكبر مشروع في منطقتنا لا يزوره المهندس المتخصص اكثر من مره باليوم ونوعية المواد الخام المستهلكه غير جيده ومن ناحيه اخرى ترى البلديه لم يكن بالحساب خط مياه لبيت جديد فيصبح الشارع عباره عن حفر بدون متابعه من قبل المسؤولين
سياراتنا تعودت على الطرق الوعره.

121 ) محمد / فلسطين
11/07/2009 07:53
بصراحة هذا الموضوع بحصل كثير
بس انا ما بهتم لانو هذا من عمل البلدية

وبعدين مش هالموضوع المهم يا وكالة معا
في مواضيع أهم يمكن أن تطرح

122 ) زيد / فلسطين
11/07/2009 08:06
المشكله الموجوده هو انه في تبرعات من دول الاجنبيه
والدول الاجنبيه لا تقبل بدفع التبرعات الا بالمشاريع
يا هل ترى شو يسووا !!!!!!!!!!!
اكيد المسؤولين ما بدهم يضيعوا التبرعات فبقوموا بفحر الشارع مره تانيه
وهيك ما بروح التبرعات لبره بتمها في البلد.
واكيد مش راح يعملوها كويس على شين يقولوا بدنا مال

123 ) حمساوي بيت لحم / اين ترفع الرايه لخضراء
11/07/2009 08:12
لان المسؤولين بسرقوا مصاري المشاريع وبالتالي بشتلوا بالمشروع ع الماشي مو منيح

124 ) محمد/نابلس / فلسطين
11/07/2009 08:27
عشان المواد المستعملة غير اصلية وبتخرب بسرعة

125 ) yaser / فلسطين
11/07/2009 08:36
ربنا الله هو في تصليحات
بس ياريت يكملو تصليحات
بتيجي ميزانية 10مليون بسرقو 8مليون ولباقي بعملو فيهم تصليحات وخاصة الشوارع
ياريت تشبعو سرقة لهسا انتو ما شبعتو
بغض النظر
للتعليق yaser852009@hotmail

126 ) حامد / قلقيليع
11/07/2009 08:39
مساء الخير للجميع وشـــكرا يا اجمل واروع وارقى معا , المشكلة هي بعد ان تقوم البلدية بتزفيت الشارع بفترة قصيرة تأتي حفريات جديدة هي اما تغير شبكة مياه واما عبارات الصرف الصحي . لا نعمل بالشكل الصحيح اي نحفر الشارع ونجري كل الاعمال الازمة !! الى متى سنضل نقبل مساعدات مشروطة ?? boy.naz@hotmail.com

127 ) مازن / فلسطين
11/07/2009 08:43
ليس المهم الحجر المهم البشر-الجر الدي يتحكم به البشر-اخواني امشكله ليس من البلديه فقط اول المختصين المشكله من الجميع المواطن له دور الانه كل مشتمع له هيكل المهم الاساس التعاون الاساسي الجميه يكون متعاون ونخافض- انا الا انكر ان الامور كلها معقده ولاكن نحاول كل واحد من عنده لكي نعمرالبلاد-سلام الله ع

128 ) ابو محمد / الخليل
11/07/2009 08:58
ليبرروا غشهم في المشاريع يكتبون العبارة 0000ناسف لازعاجكم نعمل من اجلكم00000

129 ) احمد / غزة
11/07/2009 09:00
احنا بغزة ما شاء الله بيكون الشارع سليم مية المية بيجو يفحروة مش عارف ليش وبيسيبوه ولا حتى بيطلعو شو خربو من وراهم يرقعوة او يفرشوة شوية رمل على الاقل ولما نروح بيقعدو يحكو اسطوانتهم الاحتلال والقصف وابصر شو ههههه حتى بهادي عملو حالهم مساكين وضحكو عالعالم فيها الله يفرجها علينا

130 ) محمد / بيت لحم
11/07/2009 09:00
لانه ليس هناك شخص يتقي الله في هذه الايام الا من رحم ربي الكل ينهب من الكل وليس هناك مسؤولية الا على الضعفاء ولكن الكبار الذين لا يخافون الله ليست عندهم اي مسؤولية حسبي الله ونعم الوكيل على الذين لا يطبق القانون عليهم . ولا حول ولا قوة الا بالله

131 ) ابو سرحان / العبيدية
11/07/2009 09:18
انا بحكيلكو ليش.... لانه المصاري مش عرفين وين يروحه فيها لذا بخربه الشوارع عشان يضلو يشحدوا مصاري بحجة تصليح الشوارع ..طبعا المسوؤلين ...اكيد

132 ) ابن الياسر\الخليل / فلسطين
11/07/2009 09:20
الحمد لله انها الخليل سوف تدخل التاريخ في كتاب غينيس للارقام القياسية من كتر ما فيها مطبات وحفر

133 ) احمد / نابلس - فلسطين
11/07/2009 09:23
الحمد لله البلدية العتيده مش مقصرة عنا ما في شارع الا و فيه جورة او حفرة او مطب مخرب بيت الدنيا هي و الاتصالات المجيدة ... بتحس حالك في خربة او قرية مش في مدينة ... خدمات ممتازة و اسعار كهرباء و ماء ما تسألش... اشي بيرفع الراس ... مستحيل شارع يتزفت و يبقى على حالو يا عمي فن معماري فلسطيني

134 ) ابو العبد ابراهيم / جمهورية غزة المتحدة
11/07/2009 09:30
واللع انا مستغرب انكم مستغربين طيب ومالة منظر الشوارع المحفر لمكسر عادى شباب ما هى مثل ما بيقولوا شرط لبناء اى مشروع انة يخرب بعد فترة لنرجع انصلحة لحتى يشتغلوا الناس شفتوا هل منطق الى بلا منطقبعدين عادى هوة شو فى عندنا ما بدوا اصلاح وقفت على الشوارع فيا ريت نلاقى حدا يرممنا ويصلحناويعمر نفوسنابالحب

135 ) ابوحمزة / فلسطين
11/07/2009 09:33
للاسف ما في مسؤل بفهم .ما بصدقو والواحد وصل الكرسي وبلا شعب وبلا هم مو ملحقين على العزايم والاكل وتعليم اولادهم باوروبا ورصيد باالبنك وسياره .والقائمه طويله .وشكرا لمعا على هاالمواضيع الي بتناقشها

136 ) كرماوي / طولكرم
11/07/2009 09:33
قحفوها طولكرم صدقوا اني شفقان ع الشوارع قبل الناس
قد ما صاروا جالخينها

137 ) ابو اشرف / الخليل
11/07/2009 09:33
احنا ماشاء الله عنا فى لخليل يزفت الشارع تمام جيد جدا وبعد فترة قصيرة يبدء الحفر من جديد واصبحت عنا الشوارع مرقعة ومن يذهب الى الخليل يرى بام عينة وشكرا

138 ) ابو الليل / الخليل
11/07/2009 09:39
بالنسبة لمدينة الخليل فاخونا رئيس البلدية بهتم فقط بالنوافير ويعمل انارات في رمضان وقال الزلمة يعني شغيل وشوارعنا او عفوا 0شبه الشوارع ) مكسرة شارع واد الهرية الي بيربط جنوب الخليل وقرى الجنوب بوسط البلد مكسر تكسير وقال ايش الزلمة بطور البلدية اداريا حتى ملعب الحسين الي جاوي بشريان البلد مشكلة كبيرة

139 ) إسلام / فلسطين
11/07/2009 09:39
والله لا أكاد أمر من شارع إلا وأرى تصليحات وورش عمل لكن ما نلبث بعد مدة إلا وتتلف وتعود التصليحات وتعاق حركة السير,يبدو ان التصليح لا يكون كما هو مطلوب,بتصور صلحوا اللي فوق بتصلح كل شي أو بالاحرى غيروا اللي فوق كلياً.

140 ) العزاوي / عنزه
11/07/2009 09:44
زفتّوا كل شئ ما عدا الشوارع .. وحسبي الله على الطرفين

141 ) فلسطيني / فلسطين
11/07/2009 09:45
إلى رقم (4) لم تشاهد في بلدك الامارات أي نوع تصليح لأنك لست في دولة تحت ألأحتلال و عندكو خيرات بترولية ماشاء الله عليها كلها مستفيد منها الغرب و أمريكا و غير العرب فا لأيش هالفلسفة يا أخي
إتركنا في حالنا زي حكومتك
هاد موضوع خاص فينا إحنا الفلسطينية الملتعن ابو ابونا ألأولاني

142 ) الحيران.بيتا.نابلس / فلسطين
11/07/2009 09:49
انا من بيتا.قضاء نابلس.الشارع الرئيسي للبلده طوله 2كم كان قبل3سنوات عرضه 3م قامت البلديه بتوسيعه مشكوره حتى هذه اللحظه لم يعبد ولم يزفت ومحفر وقبل شهر البلديه زفتت 500م فمتى تزفيت الباقي يا بلديه؟

143 ) فتحاوي اصيل / فلسطين الابية
11/07/2009 09:49
السبب الاول عدم التخطيط المسبق الى اي مشروع
و الثاني هذه مشاريع مقدمة من الاتحاد الاورابي
قد يكون مشروع الزفته قبل مشروع الماء و هذا الشيء اللي بيجعل البلدياة تحفر مرة ثانية.
و برد على المعلق رقم 30 كفانا استخفاف بعقول الشعب
غزة ما عندها ماء اصلا و البلدياة معطلة بالكامل وبكفينا دمار

144 ) أبو الرعد / الخليل
11/07/2009 10:01
أصلاًهاي الصوره الطبيعيه، لأنه لو حفروا جوره وسكروها بسرعه بيكون فيه إشي غلط، هادي ثقافه يا عمي(أحفر، إترك، إنسى، إتذكر، سكّر اللي حفرته..) وطبعا بين كل مرحله ومرحله شهرين تلاته.. أي على الطلاق فيه جوره في شارعنا من وقت وفاة أبو عمار "ألله يرحم روحك يا ختيار".. والله كتييير من اللي بيصير ما بيرضيك..

145 ) مشاكس / الخليل
11/07/2009 10:09
عادي،خليهم يفحروا،أصلا هيك بيصير فيه حركه وأكشن:جوره مفحوره،سيارة بتنط في الجوره،ركاب بتطبشوا وبتكسروا،التكسيات بتشتغل،الكازيات بتشتغل،المستشفيات بتشتغل،الدكاتره بشتغلوا،الصيدليات بتشتغل،بيجوا الناس يهنوا بالسلامه محلات الحلو بتشتغل،محلات البُن بتشتغل،محلات الأواعي بتشتغل،التكسيات كمان مره بتشتغل..

146 ) ME / pal
11/07/2009 10:10
مش عارفين وين اروحو في المصاري بسو مشروع علشان اغطو المباغ المسروقة و للأسف كلو شغل شفلك وبفلك (بزك و لزق)

147 ) غاضب جداً جداً / رام الله
11/07/2009 10:21
شارع يربط رام الله بقرى غربي رام الله تم تدشينه حديثاً، الجزء القريب من رام الله كان مع متعهد فلسطيني والجزء الباقي مع متعهد اسرائيلي، تخيلوا بعد مرور اسبوعين على افتتاحه الزفته في المقطع الذي عمل به الفلسطيني انهارت وتفتفتت مثل قطع البسكويت، على عكس المقطع الاسرائيلي الذي لازال مثل الفولاذ؟؟؟؟؟؟؟؟

148 ) خالد اريحا / فلسطين
11/07/2009 10:26
يبدو ان وكالة معاً تريد فتح جروح المواطنين عندما تضع صور تصليحات على شبكتها ,وهذا ليس عيباً ولكن العيب فيمن يقوم بالمشاريع من اجل كسب المال الشخصي والحرام وليس من اجل الوطن والمواطن ,فعندنا في اريحا حدث ولا حرج فعندما يمر المواطنين عبر الشوارع التي تم صيانتها تضطر ان تضع كمامات على انفك من الروائح

149 ) فلسطينية وافتخر / فلسطين
11/07/2009 10:26
صباح الخير معا ومتابعيها....ما شالله عن اعمال الصيانة ببلادنا ..بلدية مدينتي بتقعد بتصليح الشارع من الشتا للشتا..واذا بخلصو بعملو احتفال لهالانجاز العظيم
وبعد اقل من السنة برجع التلف كمان مرة لان شغلهم اسم الله عليهم بقمة الاتقان..ما في رقابة على انجاز المشاريع..انشالله يتعلمو يعملو اشي بنفس
باي.

150 ) محمد / فلسطين
11/07/2009 10:27
تع تع تع شوفو طوباس المحافظه كل يوم شغل في هالشوارع بس والله مشفى ما في مستوصف ما في دكتور بالليل مافي ابني انجرح بالليل ما لقيت دكتور ولا مستوصف رحنا طنبنا على دكتور في بيته حتى قطب الجرح يا ناس مشان الله تحلو المشكله بدنا خدمات طبيه مش شوارع ولاخطوط مياه


وبقولو محافظه لى شو بس

151 ) سوسو / فلسطين
11/07/2009 10:38
مش عاجبكم ايش ما عملت بلدية نابلس مش عاجبكم انت اصلا متعودين عالفوضى ومابلبقلكم النظام والله مع الحج عدلي يعيش

152 ) مخيم جنين ارض الصمود / جنين
11/07/2009 10:40
هدول كنهم اتعلمو من بلديه جنين بيزفتو الشارع الصبح وبيحفرو باليل ولا كيف بدهم يشتغلو ههههههههههههه

153 ) سائدة / السموع
11/07/2009 10:44
عندنا في السموع بنية تحتية جيدة جداً ، لكن ما يلاحظ أن الشارع فيه ثلاث خطوط حيث تم تزفيته على ثلاث مراحل بعد كل مرة من التصليح

154 ) شكرا لبلدية طولكرم / طولكرم
11/07/2009 11:05
يعني البلد اللي فيها تحفير يعني البلدية نشيطه وشغاله وعندها مشاريع, والبلد اللي ما فيها شغل يعني ما عندها مشاريع. واذا البلدية ما اشتغلت فضحتو عرضها واذا اشتغلت برضه فضحتها سنسفيلها
حيرتونا

155 ) رشيد / قلقيليه
11/07/2009 11:16
يعني بكون هالشارع يا محلاه وما في ولا حفره طبعا بعد ما كان شديد والوعوره بتيجي البلديه بتزفته وبصير يا محلاه من بعدها بشهر زمان بتذكرو انه بهالشارع لازم نعمل تمديدات صحيه او خطك مياه او او او او او وبنرجع من اول للحفر ولتخريب الشارع وطبعا الساعه بخمسه جنيه والحسابه بتحسب وكتير ناس بتحسب الله يعين

156 ) شكرا لبلدية طولكرم / طولكرم
11/07/2009 11:40
هذا مشروع شبكة مياه في وسط السوق في مدينة طولكرم , عملية الحفر والتمديد وطمر الحفر تمت خلال اقل من 24 ساعة, وتم الاعلان عن ذلك بالتلفزيون المحلي وباشراف شرطة المرور,
وهدا مشروع تمويله خارجي واللي بنفذه شركة عالمية مؤهلة جدا, وغير هيك اللي بحكي بس بهدف الحكي لانه الكلام ما علية ضريبه

157 ) عبد ابو الشيخ.بيتا.نابلس / فلسطين
11/07/2009 13:20
احنا عندنا صبوا الجزيره وبعدين فطنوا لزراعة الشجر وعمدان الكهرباء

158 ) محمد / حماسستان
12/07/2009 13:23
تحية للاخ ناصر اللحام وطاقم وكالة معا على هذه الجهود القوية المهتمة بالمواطنين ونطالب بتشديد الرقابة على 182هذه المشاريع

Share/Bookmark


الصورة التالية
الصورة السابقة
جميع الحقوق محفوظة لـ وكـالـة مـعـا الاخـبـاريـة © . 2005-2014