أضف الى المفضلة RSS خدمة اجعلنا صفحة البداية

بحث متقدم

مواجهات عنيفة جداً في بلدة سلواد شمال رام الله
صـــــورة وتـعـلـيــق
حدث على استراحة اريحا
نشر الجمعـة 16/07/2010 الساعة 08:02
الطباعة ارسل الى صديق
1 ) عماد / فلسطين
16/07/2010 08:26
قبل 23 سنة أنا نمت هاي النومة بس على الجانب الأردني من الجسر ..... الله يعين العباد ...... التاريخ يعيد نفسه

2 ) ريحاوي جهادي / السرايا
16/07/2010 08:29
هههههههههههههه لسا انتو شفتو اشي هههههههههه

3 ) تلحمية / فلسطين
16/07/2010 08:30
استراحة اريحا بالصيف وضعها لا يطاق بسبب الزجمة والفوضى
والدبان مزعج جدا هناك ....

4 ) هنادى / فلسطين
16/07/2010 08:31
لهيب اريحا المفروض مو استراحة ريحا لازم يعملوا على مساعدة الناس
احسن من هيك هناك .

5 ) مواطن / فلسطين
16/07/2010 08:42
كان الله بلعون

6 ) نابلسي / نابلس
16/07/2010 08:57
كل ما اسمع اسم الاستراحة بنسم بدني....
- كل انواع القرف فيها
- كل انواع الدبان فيها
- كل انواع الذل فيها

يعني الصراحه اذا ما في الك واسطه راحت عليك حبيبي وكمان ما ننسى الجسر الاسرائيلي

معا الرجاء النشر .......

7 ) حانوني / فلسطين / غزة
16/07/2010 08:58
لسه احسن من عنا الله يكون بعون الشعب

8 ) مختار / فلسطين \ الرياض
16/07/2010 09:00
كنا نسمع بالتحسينات والتغير الجذري..لكن اتوقع ان الجانبي الاسرائيلي هو المسئول

9 ) ابو يوسف / فلسطين
16/07/2010 09:13
الله يكون في العون ... هلايام بصير كتير وخصوصا علشان الجو حاااااااار

10 ) شاعر الازهر / فلسطين
16/07/2010 09:13
باذن الله هادا الحال ما راح يدوم كتير وربنا عالظالم

11 ) المربطون / أرض الرباط
16/07/2010 09:24
سلام عليكم ويسعد صباحكم وكل أوقاتكم
ياااااااااااه انتم بس قبل يومان شوفتم هذالشيء قبل مايقارب8سنوات حصل اكترمن كده مع المعتمرين وكان لمدةأسبوع تقريباًوبعضهم أطرأنه يرجع لأنه فلوس لعمره صرفة ع الاستراحةولسه ع رأي الشباب والأغلب مجرب الوضع والتاريخ يعادمرات وتكراراً
حسبناالله ونعم الوكيل
لرجاءلنشر

12 ) بلال فلسطين / فلسطين
16/07/2010 09:24
يعني اشي غريب علينا هالشعب طووووووول حياتو مسخم وماكل هوا من 48لوقت الله اعلم وينتا

13 ) محمد / جنين
16/07/2010 09:30
لازم الشعب الفلسطيني يكون ايد واحدة بتغير الوضع على جسر اريحا لانو احنا بنسافر بطريقة بدائية جدا يعني الاردن ما بتبعد في الحدود عن الضفة 2ك بدنا يوم كامل لحتى نوصلها وانا برئي تصير حملة واسعة ما حد يسافر ولا فلسطيني الا لحتى يتغير الوضع وانتو رح تشوفو كيف كل شي رح يتغير بسسسسس احنا بنقبل الذل بااااي

14 ) امجد مسلم رام الله / فلسطين
16/07/2010 10:09
لازم يكون في مسائله وتحقيق لمعرفة حيثيات الموضوع والوقوف على اسبابه\

15 ) نابلس / فلسطين
16/07/2010 10:19
كل الاحترام الى الضباط والافراد في الاستراحه على المجهود المبذول في ظل الاعاقات الاسرائيليه وضغط الزوار الكبير هذا الصيف .

16 ) المسافر / فلسطين
16/07/2010 10:21
اكيد الناس بتعاني و لكن هذا الاستغلال في الاسعار من قبل اهلنا في اريحا يجب ان يتابع من قبل الجهات المختصة و يجب ان تثار هذه القضية اما بالنسبة للأزمات و وضع الاستراحة الي محتج يسأل جدو كيف كان يسافر و احمدو الله على هالنعمة و انشاء الله بنستقل و بصير النا معابر و حدود زي باقي العالم و شكرا

17 ) ابن اذنا / فلسطين الخليل
16/07/2010 10:34
بلاش حقد لسه استراحة اريحا انظف وافضل من غيرها الف مره بس المسافرين هم سبب في هذا المنظر / والله انها نضيفه ومكيفه

18 ) فاسطينية حرة / فلسطين
16/07/2010 10:39
هاي مو استراحة اريحا المفروض يسموها تعب البال في اريحا منيح انه لاقي فراش ونايم عليه احسن من غيره اللي نايم على التراب بيعين هالكريم

19 ) محمد / بلاد السند
16/07/2010 10:47
يا جماعة المشكلة في الواسطات والرشاوي يعني اذا بتعرف حد راح تفوت واذا ما بتعرف نام وخليك مرتاح...........................................................

20 ) ليان الجعبة / الخليل
16/07/2010 10:48
اللة يعين الناس على هالعيشة وين الشعب ما ينهض

21 ) محمد / فلسطين
16/07/2010 10:50
مش االاسم "استراحه" ؟! و هي الناس مستريحين و الحمدلله

22 ) هبة / الخليل
16/07/2010 10:54
ما ابنقدر انقول الا الله معهم

23 ) بنت بيت لحم / فلسطين
16/07/2010 10:58
ما بعرف يعني المسؤولين عنا ما بيوصللهم شو يلي عم بيصير من ذل وبهدلة واهانة وقهر على الجسر والاستراحة
يا عمي بكفي قرف
نحن مو من حقنا نسافر ونرجع براحة وكرامة متل باقي البشر

24 ) محمد/فلسطيني / السعوديه
16/07/2010 11:00
اللهم لا حولا ولا قوه الا بالله حسبنا الله ونعم الوكيل المفروض يغيرو اسمها من استراحه ل محطه العذاب الاولى او محطه دفع الجمارك

25 ) أبو ليث / فلسطين
16/07/2010 11:05
هذا من واجب الحكومة ان توفر للناس عيشة كريمة مش بس واجبها جمع الضرائب ورفع اسعار الدخان والمحروقات والمواد الغذائية

26 ) من هالبلد / غزة
16/07/2010 11:09
إذا العالم تعامى عن مليون و نصف فلسطينى يناموا مثل هذه النومة فهل سوف ينظرون لهؤلاء
حسبنا الله و نعم الوكيل

27 ) قلقيلي عانا من عذاب الجسر / قلقيليه
16/07/2010 11:12
السلطه ما بتقصر ولا قصرت مع اي مسافر بوصل الاستراحه وهذا ما بعني انه ما في واسطات بالموضع اذا عندك واسطه بتغير رقمك وبصير من 3000 ل 3 بس الحق يقال في شغل كبير ومحاولات كتيره لتحسين الوضع بس مهما عملو ومهما اهتمو ومهما حسنوا رح يضل الوضع مئساوي خاصه بايام الصيف بسبب يهود وبسبب تحكم يهود المطلق بالجسر

28 ) asma / palestine
16/07/2010 11:36
الوضع في استراحة اريحا غير طبيعي .... لا يجوز ان يكون المبرر الازدحام او غير ذلك... هناك تقصير من الجهات السؤوله واستغلال واضح... بدلا من وضع المبررات ...الافضل وضع حلول لمثل هذا الوضع

29 ) احمد / فلسطين
16/07/2010 11:43
مش عارف شو الي بيعجبنا، بدول تانيه بينامو ع الارصفه وبالذات ع المعابر والحدود شو الجديد محنا الضغط عنا كل صيف والله لو بتتسع الاستراحه ل 10000 مسافر غير نمليها لانو الغلط فينا، كلنا بنسافر بنفس الوقت وبنضغط حالنا وبنحمل المسؤولين غلط بنرتكبو، ما تزيدوها واحمدو ربكم واحنا احسن من غيرنا، شوفو الصومال

30 ) XZEZOX / فلسطين
16/07/2010 11:43
الله يعين الشعب عل كل انواع الذل وخاصة الشعب الفلسطيني

31 ) عائشة / فلسطين
16/07/2010 11:47
الي ما الى واسطه الى رب يحمي ؟

32 ) غريب الدار والوطن / بلا وطن
16/07/2010 11:52
ما دامت اسرائيل تسيطر على الحدود لن يجد الفلسطيني سوى المتاعب والألم. سافرت كثيرا ومررت من عدة حدود دولية على مصيبة حدود فلسطين لم ارى والسبب الاحتلال. ولن تنتهي هذه المشاكل الا انتهاء سيطرة اسرائيل على المناطق الحدودية. واى ذلك علينا الانتظار.

33 ) سحر فلسطين / غزه
16/07/2010 11:53
الله يكون مع الناس وحل هذا المشكله فى اسرع وقت

34 ) ابو الهيجا / طولكرم
16/07/2010 11:54
أكــيـــد أنـــت فــلــــســـطــيــنــي

35 ) السرطاوي / فلسطين
16/07/2010 11:54
جميع المسؤلين معهم vib بسافرو بدون ما يمرو في جهنم الاستراحة ولو جربو يمكن لتغير الامر والله المستعان

36 ) مصطفى / فلسطين - بتير
16/07/2010 12:07
لازم يعملوا كمان جسر

37 ) عبد الرحمن / فلسطين
16/07/2010 12:29
لن ولم ولا يمكن أن نتخلص من هذا الذل الذي على الحدود ليس بين فلسطين والاردن عن طريق اليهود بل بين كل الدول العربية وخاصة للمعتمرين

38 ) نور / فلسطين
16/07/2010 12:35
الى متى هادا الذل والتخلف بس شاطرين نصرف مصاري على شغلات فاضية خليهم يصرفو مصاري على هيك اشياء عشان يوفرو الراحة للمسافرين

39 ) رامي مشارقة / ايطاليا
16/07/2010 12:38
لقد قرات المقال الذي يتحدث عن معانات المواطنين على الجسر الفاصل مع الاشقاء بالاردن وارجوا من ادارة واسرة تحرير معا التركيز على هذا الموضوع وفضح المماراسات الاسرائلية والاذلال المتعمد للمواطنين في كل ساعه على جسر المبي

40 ) فلسطينيه / فلسطين
16/07/2010 13:00
لسا بس نضل على هيك ما يصيرلنا اتعس من هيك

41 ) فلسطيني / جنين
16/07/2010 13:05
فعلا وضع الاستراحة مؤسف للغاية ....
ازدحام كبير ... فوضى عارمة ...
اين السلطة الوطنية من ترتيب الوضع ؟؟!

42 ) بلال / فلسطين
16/07/2010 13:06
وين المسؤولية ادارة الاستراحة .. المسافر الفلسطيني هو الوحيد الي بتبهدل في سفر بنعرف الحدود الاردنية بتفننو عليا الحدود المصرية بتعجب علينا ..... و حتى على ارضه فيش حدا سال علينا .. لازم نتكلم على الحل مش نبرر هيك وضع بلازدحام او شماعة الاحتلال .. يجب على ادارة المعبر العمل على حل هيك مشاكل و وشكر

43 ) شذا عامر / فلسطين /نابلس
16/07/2010 13:10
الله يكون بعون كل فلسطيني سواء بأريحا او بأي منطقة تانيه الله ينصر كل فلسطيني يا رب

44 ) عاشق الهواء / فلسطين
16/07/2010 13:12
الله يكون بعون الجميع على المعانه على الاجسور

45 ) ابن فلسطين / نابلس
16/07/2010 13:21
والله ياعمي ليش هيك بتحكو عن الاستراحه والله قاعدين بشتغلو شغل مرتب لراحة المسافرين ووضع الاستراحه ممتاز من نظام ومن تكييف
بس المشكله غلاء الاسعار في الكافتيريات
بس الامانه انو وضع الاستراحه ممتاز برضو لازم الواحد يحكي كلمة حق

46 ) مواطن / من استراحة فلسطين
16/07/2010 13:23
طيب فكرة بنحل ازمة غرف النوم الضيقة وبنيم اولادنا على سدة السيارة شكرا للمواطن صاحب الفكرة وعذرا للنجارين

47 ) مواطن / رام الله
16/07/2010 13:24
قال وشو بيحكيلك لا زبطو الاستراحة والوضع الف الف مش زي قبل ولغو رسوم السفر احي قرارات اشي وواقع شي وينكم يا مسؤولين

48 ) فجاريه / بيت لحم /فلسطين
16/07/2010 13:24
الله بعين .. هيك بدها الحكومات العربية
؟؟؟؟؟

49 ) نزال قلقيليه / فلسطين
16/07/2010 13:32
من المسؤول عن هذا ؟ من هو؟

50 ) احمد / رام الله المحتله - فلسطين
16/07/2010 13:41
المشكلة انه الاسرائيلين بفوتو على اردن بدون تاشيرة , اما شعبنا لو بدو يروح على هولولو بدو 16 مليون الف تاشيرة و عدم ممانعة ...اخ منك يا زمن !

51 ) صابر / بيت لحم
16/07/2010 13:43
يا اخوان انتم ليش بتفكروا انها السلطة التى تفعل هذا السلطة الفلسطنية لا تملك سيادة عل المعابر نحن حتى هذة اللحظة تحت الاحتلال ولا احد ينكر هاذ الشى ... وهذا الفوضى تحصل عل جميع الحدود العربية انا كان العراق او سوريا ,,,, ولكن يجب ان تكون فوضى عل الضرائب والخاوة التى ندفعها عند الاردن 10 دنانير

52 ) ريحاوي / مدينة القمر
16/07/2010 13:43
للأسف هاد جزء من واقع أليم خلال مرحلة السفر للأردن والخير لقدام جاي .....

53 ) خليلي لاجئ / الخليل
16/07/2010 13:48
لا تضعو السبب على السلطة فقط ---لانة الشعب الو دور كبير وهم اساس الفوضة--الكل بدو يمر بسرعة ويوخد دور غيرة الي بكون من الفجر موجود---والسبب التاني هي الواسطة وامحسوبية في بعض الاوقات -------------النظام حلو يا بشر

54 ) ابن بيت ايبا / فلسطين
16/07/2010 13:57
يعني لاي المزاوده على الموضوع وحيات الله هل ايام صارت احسن من زمان الاستراحه وصار في تعديلات وصارت اريح هادي الصور مبالغ فيها انا من اسبوعين اطلعت على الجسر والله بجوز بس ربع ساعه على الاستراحه

55 ) السلام / فلسطين
16/07/2010 13:58
اتمنى من وكالة معا ان تتابع رحلة سفر المعتمرين على الحدود الاردنية السعودية
وكم هي المعاناة التي يمرون بها وخصوصا في مثل هذا الجو الحار جدا
حسبي الله ونعم الوكيل

56 ) عبد / فلسطين
16/07/2010 13:59
الله يكون بالعون بس يشوفو المسؤولين

57 ) غنام\غنام\جبع جيين / فلسطين
16/07/2010 14:06
والله انا نمت هذه النومه على عربيه الشنط قال ما في دور والجانب الاسرائيلي سكر الجسر لكن اليوم ما بعرف صار لي زمان ما سافرت ان شاء الله بكون كل شئ للامام

58 ) احمد / فلسطين
16/07/2010 14:33
الله يرحمك يا ناجي العلي والشاطر بفهم ارجو النشر

59 ) ايهاب الغصين / وزارة الداخلية / فلسطين
16/07/2010 14:37
يجب على العاملين في الاستراحة المذكورة مضاعفة الجهود لتسهيل والتخفيف من هذه المعاناة في هذا المكان وهذا الموسم
شاكر كل افراد الشرطة على جهودهم والى الامام
هي ارضنا ولسوف نبقى فيها ما بقيت اشجار الزيتون

60 ) لاجىء / فلسطين
16/07/2010 14:38
مآسينا على الجسر كثيرة وجيد أن تتفتح أعين الصحافة عليها لتكوين رأي عام : رسوم الخروج العالية 135 شيكل ، العشرة دنانير الاردنية ، ارتفاع أسعار الاستراحة ، استغلال اليهود للجمارك ، محطات الفحص الألكتروني المتعددة ، التنقل في أربع باصات لمسافة 2كم ، وضع الحقائب ورميها في أشعة الشمس ، وشكرا لحملة كرامة

61 ) ريان / فلسطين
16/07/2010 14:38
انتو متى بدكم تفهمو انو الاستراحه منطقه حدود واي منطقه حدود بلعالم فيها اجرائاتها الخاصه يعني بدكم اتسافرو بدون اجرائات امنيه بلفوضى يعني

62 ) لبدي \ طولكرم / فلسطين
16/07/2010 14:49
شكرا لوكالة معا على اثارة الموضوع ونرجو المتابعة والاهتمام وكل الدعم والتاييد لحملة كرامة ولا تنسو ان السيد ميتشل حامل معة رزمة تسهيلات للمواطنين ونامل من المسؤولين طرح موضوع السفر والجسور على السيد ميتشل

63 ) بنت فلسطين / الخليل
16/07/2010 15:11
على فكره الاستراحه صارت جنة بالنسبه للحدود على الناحية الاردنيه الان السفر مسهل اكثر من زمان ربي يوفق سلطتنالما هو لصالح الوطن والمواطن والله يعطي العافيه لكل شرطي مرابط في هالحر وعلى فكره اغلب الي علقو ناس ما حكو الصحيح وانا سافرت ورجعت ما شفت الي بيحكو عنه المعلقين وياريت لو يتم التعليق بضمير

64 ) بنت نابلس / فلسطين
16/07/2010 15:19
انا جربت لما سافرت كان وضع لايطاق ...موبس الاستراحه بصراحه كلو صعبب ..بتمنا انه يصير الوضع اسهل من هيك .لانه هيك كتير ع المسافر والله حرام ..

65 ) فلسطيني / فلسطين
16/07/2010 15:22
السلام عليكم يا جماعة الخير لازم ننظر للامر بموضوعية و مصداقية يعني الكل ملاحظ و شاف التغييرات الي صارت في استراحة اريحا و بنى جديد و قاعات مكيفة و ما زالت اعمال التطوير قائمة و الصبر مفتاح الفرج بس تخلص بصير الوضع ان شاء المولى تمام باذن اللعه و مساكم سعيد جميعا

66 ) علاء /نابلس / فلسسسسطين
16/07/2010 15:24
يعني حلووه النومه يا عالم بس بدي اعرف المسسؤلين ممكن ولادهم انامو هيك نومه ولا بيطلعو من بره الاستراحه ولا السياراات بتنزلهم لا باب الجسر تحت

67 ) طارق / عزون/فلسطين
16/07/2010 15:38
الله بعين
و لازم يعملو استراحه تليق بالناس
حرام عليهم يعملو هيك

68 ) ابو زياد / غزة
16/07/2010 15:49
هذا شى بسيط انتم شفتوا جاحة في قصص اصعب من هيك

69 ) خالد خالد / جمهورية غزة
16/07/2010 15:51
زمان عنك يا فندق ابو كرتونة والله زمان رجعنا الي العهد الكرتونة في معبر المصري كمان السبب انك فلسطيني قف و فكر في فلسطين

70 ) ليث / قريب منكم
16/07/2010 15:55
والله انا سافرت اكثر من مره على الاردن اكثر من مره والصراحه انه جسر اريحا وجسر الاردن بقززو كلها دبان وحم ونار وازمه ارجو المسؤولين في السلطه تغيير هذا الوضع

71 ) امير العذاب / فلسطين
16/07/2010 15:56
النوم حلوة هونيك بس مع الهسهس الي بكون يقرص انا نمت 4 ايام وانا بشتغل بلقاعة لجديدة بس كنت انام على ظهر الكنتينر هههههههه

72 ) واحد من الناس / فلسطين
16/07/2010 16:03
النكتـــــــــة .... اسمها : إستراحـــــــــة

73 ) ابو التاريخ / مخيم الدهيشه
16/07/2010 16:14
حسبنا بالله ونعم الوكيل .................
فعلا التاريخ يعيد نفسه ........................

74 ) صالح / فلسطين
16/07/2010 16:24
يعني معاه حق هذا الزلمه وين بدو يروح بدو يروح عفندق عشان يحق اللي فوقوواللي تحتو لا هيك احسن عشان تشوفو يا عالم

75 ) ابو العبد / نابلس
16/07/2010 16:31
استمراريه هاد الوضع هو الامان بنظر الحكومات المرؤوسه علينا و طبعا لا ننسى الدخل المادي من وراء هذة المزله للشعب

76 ) محمد الجمل / الخليل
16/07/2010 16:40
الله يعين الناس على العيشة بس بدي اسأس المسؤولين بخلوا اولادهم اناموا هيك الله يسامح الي كان السبب

77 ) عمر / رام الله
16/07/2010 17:18
الله يكون بالعون كيف قيادات السلطة بسافروا معقول يصير معهم زي الناس العادين

78 ) كاتب طفران من هالعيشة / فلسطين
16/07/2010 17:20
انا افضل ان يفتحوا مخيمات للجوء المسافرين

79 ) الحرة / فلسطين
16/07/2010 17:41
هاد الوضع اله من زمان الشعب الفلسطيني بعاني منه وبحكوا في تصليحات بس وينها الله يعين الشعب الفلسطيني على كل شي والله يصبرنا

80 ) احمد / نابلس
16/07/2010 17:57
ناجي العلي :: خلفي يا فاطمه الوطن بدو رجال احبلي يا فاطمه الوطن بدو رجال وخلفت فاطمه الاول والتاني والتالت والعاشر استشهدو واحد ورا التاني دفاعا عن التنظيم والانظمه يا كشيلك يا فاطمه يا مصيبتك يا فاطمه

الله يرحمك يا ناجي العلي التاريخ يعيد نفسه مره بلاردن ومره بغزة ومره بالبنان
ارجو النشر

81 ) تلــــحـــمـــــي / فلسطين
16/07/2010 18:05
اهـــــا صحيح هاد شي من واقعنا بس للامانة انا كنت بالاستراحة قبل يومين بس الوضع مش متل ما تتصورو كــــان في بشر اشي ما بينعد بس والله للامانة الي شفتوا انا بيختلف كليا عن الي بتحكوا فيه لانو كان في نظام وكل واحد كان بدورو بس هاد با بيغني انو ما في واسطة للبعض ...تـــحـــيــــاتـــــي

82 ) احمد حجازي / اريحا
16/07/2010 18:21
اولا شكرا لوكالة معا على النقد البناء والهادف الذي يهدف الى الافضل
ثانيا استراحة اريحا تشهد تطورا كبيرة في مجال تقديم الخدمات للمسا فرين عبر مراحل والمتتبع لوكالة معا لوجد قبل اسبوع وضعت خبر انهاء المرحلة الاولى نت البناء
يدل هذا ان الاستراحة بهدها في مرحلة تطوير بعد انتقالها من البلدية

83 ) وسيم قرعوش /رام الله / فلسطين
16/07/2010 19:12
الله يعين الخلق هل يا ترى ممكن نشوف ولاد المسؤولين نايمين هالنومة الهنية هي برجاء النشر

84 ) ابو حمزه / نابلس
16/07/2010 20:07
شكلهم ما الهم واسطه لا يملكون vip

Share/Bookmark


الصورة التالية
الصورة السابقة
جميع الحقوق محفوظة لـ وكـالـة مـعـا الاخـبـاريـة © . 2005-2014