أضف الى المفضلة RSS خدمة اجعلنا صفحة البداية

بحث متقدم

تلاعب في سعر الغاز: من 66 شيقلا حتى 80.. فهل من رقيب؟
نشر الأحــد 09/01/2011 (آخر تحديث) 10/01/2011 الساعة 07:08
بيت لحم- معا- ارتفعت اسعار اسطوانات "الغاز" المنزلي بشكل ملحوظ ليقفز سعر الإسطوانة الواحدة من 15 إلى 20 في المائة دون إعلان مسبق، ليصل سعرها إلى 75 شيقلا وحتى 80 في بعض الاماكن.

وقد طالب العديد من المواطنين هيئة البترول الفلسطينية بفتح تحقيق مع محال بيع الغاز وتوضيح أسباب الزيادة.

وفي تقرير إخباري لنشرة إخبار شبكة "معا" الإذاعية أعده الزميل عثمان صلاح أكد مدير هيئة البترول في بيت لحم حنا العلام أن التلاعب في الأسعار يحصل من قبل الموزعين أحيانا، مشيرا في الوقت ذاته إلى أنه عند تكرار هذا التلاعب يجب على المستهلك أخذ فاتورة بالمبلغ والتبليغ عنه، مؤكدا أن أسعار الأسطوانات تختلف من منطقة لأخرى بسبب استغلال عملية النقل.

وقال العلام إن اسعار اسطونات الغاز تحدد شهريا من قبل هيئة البترول ووزارة المالية بداية كل شهر وان سعر اسطوانة الغاز ارتفع بداية هذا العام لتصل الى 66 شيقلا لاسطوانة الغاز التي تزن 12 كغم من وكالة الوكيل وليس من سيارته وهنا يحدث التلاعب.

وطالب العلام التجار بعدم التلاعب في الاسعار مؤكدا أن أجرة النقل قد حددت بـ 2 شيقل فقط، وان سعر الغاز غير مرتبط باسعار البترول عالميا وان للغاز بورصته الخاصة وان موجة الصقيع التي ضربت اوروبا مؤخرا هي التي ادت لهذا الارتفاع الكبير.
الطباعة ارسل الى صديق
1 ) صايل / من هان
09/01/2011 13:58
اتقو الله في الناس يا تـــــــــــــــــــــــــــــــــــــــجار

2 ) حربية / العروب
09/01/2011 14:01
ارحمو من في الارض يرحمكم من في السماء..............

3 ) مواطن مسخم وغلبان / فلسطين
09/01/2011 14:04
كلشي بيغلى والدخل محدود!!! البترول بيرتفع وطبعا المواصلات لازم ترتفع والبلد مولعة نار والراتب ما بكفي 10 ايام من الشهر !!!

4 ) ابو طه / غزة
09/01/2011 14:08
بختصار عندما الشعب انتخب حركة حماس علي اساس تغير واصلاح ولكن يبدوا هذا كان دعاية لهم والناس انغشت بهم بالامس انا عبيت جرة غاز علي اساس 65 شيكل بالرغم اني دافع له اجرة الاجره مسبقا بناء علي التسعيره الي تكلم عنها بها السعر عندما جاء بها طلب مني 3شيكل زياده بحكيلوا ليش قال ارتفع سعرها الي 68شيكل شكرا

5 ) أبوابراهيم / فلسطين
09/01/2011 14:13
اين الرقابة علي الاسعار من كلا الحكومتين في غزة ورامالله 0المفروض ان تتظافر الجهود لقمع الطماعين وادجاليين

6 ) هميا / رام الله
09/01/2011 14:16
يعني هادا منطق وين سلطة تيجي تشوف ولا نموت عادي

7 ) رونيت / الخليل - الفوار
09/01/2011 14:17
انا بقول دشرونا من الغاز ومشتقات النفط بشك عام وتعال نرجع على الحطب والنار اشرف النا واوفرلنا من هالدواوين الفاضية احلنا ما في ورانا شي حتى يلاحقونا في اسعار الغاز حسبي بالله ونعم الوكيل

8 ) موسى / فلسطين
09/01/2011 14:22
الحمدلله كل اشي سعره طالع الا البشر والراتب المهم السعر عنا بالخليل من المحطه 65 ش ومن الموزعين 70-71 ش الله يعين العامل صار بدو شغل يومين عشان الغاز وخمسه عشان السكر و20 سنه عشان يتزوج اقلكم بلا يتجوز وانشري يا معا

9 ) بلال / فلسطين الخليل
09/01/2011 14:24
المشكلة لاتكمن بالتلاعب على مستوى اسطوانة الغاز فالتلاعب يبدا من هيئة البترول فمن وجهة نظري على السلطة ان تعفي المحروقات من الضريبة لان الحصول على المحروقات حق طبيعي للمواطن علما ان السلطة لم تعطي الموضفين علاوة غلاء المعيشة في المقابل تطالب المواطن تحمل ارتفاع الاسعار بدل ان تتحمل المسولية

10 ) علي / غزه
09/01/2011 14:25
والله حرام وكفر

11 ) حاتم / فسطين
09/01/2011 14:27
حرام عمي السعار كيف تعيش الشعب الفسطني

12 ) سالم / القدس
09/01/2011 14:30
وين الدولة وين العالم الارتفاع وراء الارتفاع والرواتب في هبوط

13 ) أبو المجد / غزة
09/01/2011 14:33
وكذلك الحال في قطاع غزة ...وصل سعر اسطوانة الغاز الى 70 شيكل وان وجدت..!!

14 ) خالد مفلح / نابلس
09/01/2011 14:36
انا بدلت اسطونة الغاز بنابلس ب71 شيقل قبل ثلاث ايام يعني زيادة 7 شيقل عن التسعيرة الاصلية تاعت الهيئة فهل هناك اكثر من هيئة في البلد واذا كانت كذلك لماذا تخرج علينا الهيئة كل شهر باسعار لا احد من التجار يلتزم بها

15 ) مجهول / شمال خليل فلسطيني
09/01/2011 14:41
سلام عليكم بس راح اقول كلمة اتقو الله

16 ) محمد / فلسطين
09/01/2011 14:42
سعر اسطوانة الغاز من المحل عند تجار أريحا ومخيماتها ( بدون نقل ) 70 شيكل وأكثر وهيئة البترول لا ترد على مكالمات المواطنين ومكتب الهيئة في أريحا لا علاقة له فيما يجري ارحمونا ..... يرحمكم الله ،،،،،،،،؟؟؟؟؟؟

17 ) محمد / فلسطين
09/01/2011 14:45
احمد الله انكم بتلاقوا غاز أصلا احنا في غزة وين لما يدخل الغاز ولما تعبي ما بيصل الدور واذا واذا عبيت بتاخد نصف جرة بس ياريت انلاقيها

18 ) ابو مؤيد / الخليل
09/01/2011 14:47
كل شيء سعروووووووووو طالع ... بس الثابت الرواتب والاجور .. يعني الله يعين الناس على هالغلاء يلي زاد عند حدو .. الله يرحم ايام ما كانت جره الغاز ب 25 شيكل.وبكيت الدخان بسته شيكل .. ورطل الخبز ب 5 شيكل ..ورغيف الفلافل بشيكل ..اليوم كل شيء صار 3 اضعاف سعرو من عشر سنين ..^_^..اتقو الله بهالشعب المسخم.

19 ) ابو عمار / رام الله
09/01/2011 14:49
يعني انا مش عارف ولا واحد عارف يحكي الاصل انه المحروقات ومتطلبات الحاه على هادي الارض تكون باسعار رمزيه لاني انا بعرف انوالحكومه لازم تكون خدامه لشعب مش العكس الله يرحمك يا سيدي ابو بكر الصديق ويا خالي عمر بن الخطاب كنتوا اترشوا كل شي مجانا

20 ) الشعب / فلسطين
09/01/2011 14:50
لازم الشعب يطلع بمظاهرات احتجاجية عالاسعار او زيادة الرواتب حتى في المؤسسات الخاصة

21 ) اسلام / بيت لحم
09/01/2011 14:51
ارتب كلام كلام بلال
ليش الغاز بيجي من مصر لاسرائيل مجانا
وعنا بوصل غالي يعني هوه من المحطه ب 65 رخيص يعني؟؟؟
ليش السلطه ما تدعم المحروقات؟؟
ارجو النشر يا معا

22 ) أبو فارس / فلسطين
09/01/2011 14:59
بناء على ما سبق.. هناك تسعيرة محددة لاسطوانة الغاز من المحطة.. واجرة النقل محددة أيضا.. اذا على المواطن أن يقوم بالابلاغ عن التجار الذين يتلاعبون بالاسعار على هواهم للجهات المختصة هذا هو الحل المنطقي والعملي بدل البكاء والعويل! أرجو النشر يا معاً

23 ) سقعان / بدي صوبا
09/01/2011 15:04
و يمكن الجهات الرسمية على علم ، بس نسبة الارتفاع بتسكت بعض الافواه !!

24 ) طارق الخضور / الخليل
09/01/2011 15:05
ليست المشكلة في السعر فقط ولكن هناك خلل في التعبئة ففي الوقت ال>ي كانت فيه اسطوانة الغاز تكفي على الصوبة حوالي عشرة ايام بمعدل 5-7 سعات يومياً اصبحت لا تكفي لاكثر من 5 ايام فمن المسؤول .

25 ) ابن فلسطين / فلسطين
09/01/2011 15:05
أطلب من وكالة معا المحترمةو بالتنسيق مع مراقب السير مراقبة تسعيرم المواصلات الجديدة حيث يعمد بعض السائقين الى اخذ زيادة عن التسعيرة المقررة وخصوصا في مجمع نابلس الشرقي وذلك لبعض القرى شرق نابلس أرجو أخذ ملاحظتي بعين الاعتبار وذلك لما فيه المصلحة العامة أرجو الرد بكتابة تعليق اخر.شكرا للاخوة في معا

26 ) ابو الليل / بلاد الله
09/01/2011 15:13
هل تعلمون ان احتياج اسرة من خمسة افراد هو 4000 شيكل شهرياً ا>اً العيب في الدخل مش في الصرف

27 ) ابواشرف / الخليل
09/01/2011 15:15
لازم سرعها 100 شيكل اريح للحساب ولي مامعو يموت وشكرا

28 ) ابن رام الله / فلسطين
09/01/2011 15:18

انا بطلب من الجهات المختصه ان تتابع اسعار جميع السلع وان يكون ربح التجار معقول وليس بشكل استغلالي قاتل لانه فعلا حياة الناس مش سهله ومنيح انه الناس لس عايشة

29 ) ماهر نصار / فلسطين
09/01/2011 15:19
اتقو الله يا عالم فش معنا نوكل خلص راح انصير ندفا ونطبخ على صوبة الحطب وعلى النار يعني الموظف الي معاشو 1000 شيقل بدو ايحط نصف الراتب على تعبئة الغاز

30 ) ابو انس / فلسطين
09/01/2011 15:23
من لا يرحم لا يرحم اتقوا ياعباد الله ياناسسسسسسسسسسسسسسسسس

31 ) مجهول / الخليل
09/01/2011 15:23
اتقو الله يا بشر مشان الله

32 ) ابواحمد / فلسطين غزه
09/01/2011 15:25
حسبناالله ونعم الوكيل

33 ) مواطن و بس / من هالدنيا
09/01/2011 15:28
يجب على كل الشعب ان يخرج بتظاهرات سلمية احتجاجية على الارتفاع الفاحش في الاسعار،ويجب ان تكون هذه المظاهرات منظمة بشكل يتيح تحقيق الهدف منها وهو ان نعيش مثل بقية العالم،في مصر صحن الفول يعادل نصف شيكل،20رغيف 0.7شيكل اسطوانة الغاز تعادل 6شيكل
اسمي الذي يحصل في فلسطين اجرام وسيحاسب الله المسؤولين.

34 ) ابوحسام / فلسطين
09/01/2011 15:29
ياعمي اذا اسرايئل اللي مستوا الدخل الشهر عندهم ما بيقل 7000شيكل بيحطو ضريبه علي الغاز والمحرقات بتقطع الوسط بيصل ضريه ع لتير البنزين 4 شيكل فما بالك علي الغاز اذا اسرايئل بتشتكي شونحكي احنا اللي مستوا الدخل 1000ش وقال عملين ربط اقتصادي ...ع اساس انودخلنا متساو مع اسرائيل

35 ) ابو يامن / فلسطين
09/01/2011 15:30
اتقواااااااااا الله يا تجار واجعلوا مخافة ربنا بين عيونكم لانه هاد ظلم كبير ايش يعموا محدودي الدخل يبطلوا يستعملوا الغاز يرجعوا عالنار يطبخوا ............. يا حرام

36 ) مواطن / فلسطين
09/01/2011 15:30
اتقو الله يا عالم

37 ) وائل جنين / فلسطين
09/01/2011 15:31

يانس بشتغل يومين عشان اجيب جره غاز ووين ارقابه

38 ) ابو العزاب / فلسطين
09/01/2011 15:43
خلص قرفت بدي اجيب شويت خشب وخلي المره تتطبخ عليهم

39 ) يوسف / الخليل
09/01/2011 15:56
البترول ارتفع قلنا ماشي والمواصلات نار قلنا ماشي لايمتا رح نضل نحكي ماشي؟؟؟؟؟؟؟

40 ) مواطنه / فلسطين
09/01/2011 15:58
الله على ايام زمان ما كان حدا بستعمل الغاز

41 ) عادل التوايهة السعدة / حلحول فلسطين
09/01/2011 16:04
كل شيء في هذا الوطن خراب الغلاء الفاحش الرواتب المتاكلة بنسبة 10000% ويزيد الراتب بنسبة 1.25% سنويا اذا بارك اللة في الحكومة ورواتب الحكومة وغدا راتب الموظف كاملا يدوب يشتري كيس طحين واحد للاسرة وباقي الاحتياجات طزززززززز انشاء اللة ما اكلوا ولا شربوا

42 ) محمد ربايعة / فلسطين
09/01/2011 16:18
يعني اللي بوخذ يومية 50 شيكل كيق يشتري جرة الغاز ؟؟؟؟؟؟؟؟

43 ) ابو جهاد الفلسطيني / فلسطين الجريحة
09/01/2011 16:44
للاسف الشديد .. انا ارى ان معظم المعلقيين على الموضوع هم من الموظفين اللذين لهم دخل شهري ثابت .. فما بالكم بالعاطلين عن العمل مثلنا وهم يشكلون اغلبية الشعب الفلسطيني
يا سلطتنا يا حكومتنا يا سعادة رئيس الوزراء يا سيادة الرئيس ابو مازن استحلفكم بالله ارحمونا . وقود.طعام . سجائر .. ماء. كهرباء ..الخ

44 ) ابو علي / نابلس
09/01/2011 16:50
يا جماعة انا بشعر كمان شوي بصير الواحد منا يفقد عقله بسبب غلاء الاسعار ............................يا رب قيم القيامة خلينا نخلص

45 ) الحر الفلسطيني / فلسطين
09/01/2011 16:53
انا بدي اروح الم حطب احسنلي من كل هالعيشه ...............بلا غاز بلا بطيخ الدوله الي فيها متل المسؤوولين الي عنا ما بيلزم نعيش فيها ...

46 ) ابن فلسطين / فلسطين
09/01/2011 17:18
بالحقيقة الواحد ما ضل عندو كلام اكتر من الى انقال بس انا اطلب من وكالة معا وهي بالحقيقة صوت الشعب والكل بوثق فيها انو هذا الموضوع ينعطى اكبر حيز وانو يوصل صوت الشعب للمسؤولين لانو لو كتبنا مليون مرة وما وصل الكلام بكون كلامنا كلو مجرد حبر فقط ارجوا مراجعه المسؤولين في هذا الغلاء ووضع حلول سريعه جدا

47 ) احمد العمور / بيت لحم
09/01/2011 17:19
ارحمو من في الارض يرحمكم من في السماء.....

48 ) محمد زهران / فلسطين
09/01/2011 17:42
انا بطلب ولو لمرة واحدة من وكالتنا المحترمة معا انها تعمل لقاء مع مسؤول البترول في فلسطين ويشرحلنا ليش هيك الاسعار ؟؟؟وشو سبب الغلاء من 66 لـ 80 شيكل مرة وحده(اذا كان في سبب )....وبتنمى من وكالة معا الاهتمام بالموضوع يوميا وعدم نسيانه..

49 ) ابو البشير / فلسطين
09/01/2011 17:46
الارتفاع يشمل كل شيء والرواتب والاجرة للعمال تبقى كما هي اصبحت عاده عند الحكومه كل شهر ترفع الاسعار وكل سنه ترفع الضرائب ولا يوجد لها شغل الا المواطن الغلبان لانه مصدر الدخل الوحيد للحكومه فماذا يفعل هذا المواطن يهاجر ام م م ماذا اعطو ا المواطن حقه ثم خذوا حق الحكومه انصفوا المواطن كي ينصفكم وشكرا

50 ) محلل اقتصادي / امبراطورية رام الله
09/01/2011 18:06
المشكلة والفساد من وزارة الاقتصاد والمسؤلين عن الاستيراد ,,,,,,,يجب على الحكومة اتخاذ سياسات (الارضية السعرية) ,.........والتحكم بالطلب و العرض

51 ) محمد / السموع
09/01/2011 18:07
بعين الله يا جماعة و الله المستعان على كل حال

52 ) النووي قادم / فلسطين
09/01/2011 18:09
67 شكيل انا اليوم والله شتريتها نعم 67 شيكل ولاتزعل انا في غزة ساكن

53 ) معتصم | العيزريه / فلسطين
09/01/2011 18:10
ارحمو من في الارض يرحمكم من في السماء ...... عندنا اسطوانه الغاز 85 شيقل وين الرقب بتاعكو واين هيئه البترول ام هيه مجرد وزاره ووزير وموظيفن وقبد وصرف فقط لا غير ؟؟؟؟؟؟

54 ) ابن القدس / الرااام
09/01/2011 18:10
لا يوجد رقابة للأسعار ... وهل الحكومة سترقع المواصلات مه الارتفاع الملحوظ في المواصلات .... اين الحكومة ...

55 ) انا مواطن لا شيئ / العيزريه
09/01/2011 18:28
تحكيو عن موظفين وغلا اسعار والاجور طب وين راح عاطل عن عمل ومين يهتم فيه ..........

56 ) انا الموظف / فلسطين
09/01/2011 18:37
لما الموصلات ارتفعت والخبز ارتفع والغاز ارتفع والكهربا مرتفعه لوحدها ومش عارف شو كمان راح يرتفع لما دخل الموظف 2500 شيقل وعندو (5 اولاد) كيف بدو يعيشهم ووكيف بدو يدبر الامور الاساسية منتسائل وين النقابات وخاصة نقابة الموظفين الحكومين لازم يكون الها كلمة بهيك موضوع ولا شو رايكم ؟؟؟؟

57 ) فلسطيني / فلسطين
09/01/2011 18:44
لما وصل سعر برميل النفط 150 دولار كان سعر لتر البنزين 6 شيقل الان سعر برميل النفط 90 دولار ولتر البنزين أكثر من 7 شيقل طيب كيف هيك ؟ اسعار النفط انخفضت لازم اسعار البنزين والديزل تنخفض كمان

58 ) انا حمد / فلسطين
09/01/2011 18:44
هههههههههههههه والله يا جماعه اضحكتموني بتعلايقاتكم ....

اولا كان حكومه غزة ولا رام الله

انتو دابين غضبكم على التجار الي بربحو 4 او 5 شيقل على كل جره

وناسين الحكومتين الي بربحو على كل جره من 25 الى 30 شيقل

بالله عليكم هذا شيء مضحك ولا لا

ههههههههههههههههه

59 ) ابن خاراس / الخليل
09/01/2011 18:45
كل شي بيغلا................................................ الا البني ادم عم يرخص!!!!!!!!!!!

60 ) ابن غزة / فلسطين غزة
09/01/2011 18:48
الشعب انتخب حركة حماس علي اساس تغير واصلاح وهذا تخيرب وليس اصلاح

61 ) اريحا / ولا ف .......
09/01/2011 18:50
لازم المواطن يصبح شحاد هذه من اساسيات بناء الدولة
حط الحزام .وردار للسرعة
المشكلة شوارعنا هاي وويي وما في الا مطب واحد ملزق بالعجل

62 ) أبو سمرة / فلسطين ( ما تبقى من غزة )
09/01/2011 18:54
بإختصار .... سألو فرعون .. شو إللي فرعنك يا فرعون حكالهم ما لقيت حد يضبني وهي حالنا بغزة والشاطر يفم...........

63 ) عزالدين نصار / فلسطين
09/01/2011 19:00
اذا وقفت ع اسطوانة الغاز بسيطة كثير وربنا يساعدنا عالأمور القادمة وشكله يا لطيف القادم مخييييييييييييف

64 ) سقاالله ايام زمان / فلسطيين
09/01/2011 19:04
كل شي يغلا الا الانسان بيرخص الله يكون في عون الارامل و المحتاجين

65 ) جميل / بيت لحم
09/01/2011 19:05
من حق المواطن التذمر وقت حدوث تلاعب بالاسعار ومن حق المسوولين التاكد من هذا التلاعب

66 ) ابن فلسطين / فلسطين
09/01/2011 19:08
لن يدوم ظالم على وجه الارض.... اتقوا الله ... فمن يتق الله يجعل له مخرجاً

67 ) أبو يوسف / فلسطين
09/01/2011 19:09
حتى 66 شيكل غالي كتيير والسبب الضرائب

68 ) ام محمد / فلسطين
09/01/2011 19:12
احلا معا ملاذ لكل الغلابه

69 ) غلبانه / فلسطين
09/01/2011 19:30
كل شي بغلا اكل يوم ارتفاع الخضار الماصلات الغاز اطحين الحمه ولدجاج حتى العدس ييييييييييييييي رببببببببببببببب رحمتك

70 ) زيد / فلسطين
09/01/2011 20:10
الرحمة يا ناس

71 ) جعغر / عقابا
09/01/2011 20:32
نشيد بدور الحكومه بمتابعه الموضوع....وضرب بيد من حديد على المتلاعبين بالناس.... اتقوا الله يا تجار....على حومتنا الحكيمه بمعاقبه المسوؤل عن التلاعب بالاسعار

72 ) ابن فلسطين / فلسطين
09/01/2011 20:34
ارحمو عزيز قوم ذل

73 ) محمود عبد الرحيم / نابلس
09/01/2011 20:41
عندنا في نابلس سعر الاسطوانة من امام محل التوزيع 68 شيكل غير واصلة للبيت، واذا بدك يوصلها للبيت بصير سعرها 73 شيكل، وعندما تقول للتاجر ان هيئة البترول حددت سعرها بـ 66 يقول لك: روح خلي هيئة البترول تبيعك اياها بهالسعر؟؟

74 ) صفاء / الخليل
09/01/2011 20:44
كل شي برتفع وما برجع بنزل ألا الرواتب وأجرة العمال في النازل ............................والله حرام ارحمونا شوي الراتب بخلص أول الشهر

75 ) وضاح / فلسطين
09/01/2011 21:46
انا بقول اههههههههههههههههههه يا رئيس دولة فلسطين وين انتا من شعبك اللي قاعد بموت من الجوع يعني العامل اللي باخد سبعين شيقل و انت بتعرف انو الفلسطينية بحبو الولاد يعني على الاقل الواحد عندو من أربعة الى سبعة أطفال بالعربي كيف بدو يصرف عليهم؟؟!! شو هو الشئ اللي ما ارتفع سعره ارحمنا يرحمك الرب!!!

76 ) عبد الرحمن / الخليل
09/01/2011 22:43
كل شيء بغلى الا البني ادم برخص لا حول ولا قوه الا بالله ارحمو من في الارض يرحمكم من في السماء

Share/Bookmark

المالكي يطلع مجلس السفراء العرب لدى ايطاليا على اخر المستجدات
5 نقاط - خطة نير بركات لاعادة الامن لليهود في العاصمة المحتلة
القدس- اربع فتيات يهوديات يعتدين على سائقين مقدسيين
أبو عين: كل منطقة شكلت لجان شعبية وقاومت الاحتلال انتصرت
وقائي بيت لحم يسلم الرهبان الفرنسيسكان لوحة فنية فقدت من كنيسة القيامة
قيادات تنظم يوم توظيفي ضمن مشروع جيل جديد من رياديي التكنولوجيات
88 الف أسرة بغزة تضررت خلال إزالة الركام وآلية الاعمار غير مجدية

الصورة التالية
الصورة السابقة
جميع الحقوق محفوظة لـ وكـالـة مـعـا الاخـبـاريـة © . 2005-2014