أضف الى المفضلة RSS خدمة اجعلنا صفحة البداية

بحث متقدم

صـــــورة وتـعـلـيــق
التوجيهي - ضرورة ام استظهار ؟
نشر السـبت 12/06/2010 الساعة 10:09
الطباعة ارسل الى صديق
1 ) ابو الربيع / جمهوريه الخليل
12/06/2010 10:33
التوجيهي مرحله فاصله في الحياه , يجب ان يتعب الطالب حتى يصل , ولكن المواد صعبه والكتب كثيره والضغوطات نفسيه والاجتماعيه
الله يعينهم الطلاب

2 ) ايمان / فلسطين
12/06/2010 10:36
التوجيهي ضروره.. ومهم جدا بحياة كل انسان وشهادة بحتاجها باي لحظه حتى لو بعد سنين . الله ينجح جميع الطلاب والطالبات يا رب

3 ) فلسطيني / الضفة الغربية
12/06/2010 10:38
التوجيهي ضروري لكن الحكومة الفلسطينية بدها اتخليها استهتار عند ما تنزل قوانين جديدة وتصعيب اسئلة الامتحانات وكثير من القوانين يلي بيعجز عليها الطالب وكمان المعلم ارجو ان تكون الاسئلة سهلة في جميع السنوات وعدم وضع قوانين فوق الطالب وشكرا

4 ) good / pal
12/06/2010 10:39
هو ضرورة لكن ليس بالشكل الذي نطبقه في بلدنا
فالتوجيهي..لا يساوي فصلا جامعيا
لهذا يجب ان لا نهول منه
شكرا

5 ) ابو متحت / الخليل
12/06/2010 10:42
ضروره

6 ) محمود / فلسطين
12/06/2010 10:43
ضرورة لا بد من تحقيقها ولكن للأسف باتت مدارسنا وأهلنا وثقافنا تصورها على أنها استظهار بالفعل ..( ادرس يا ابني خليك تنجح زي اصحابك .. شو راح يصير لما تكون راسب واصحابك ناجحين ) للأسف هكذا صورها الآباء .. يجب أن تصل الرسالة للطالب بأن توجيهي ضرورة يجب تحقيقها وذلك من أجل نفسه ووطنه والجميع من حوله

7 ) ماهر / الاردن
12/06/2010 10:44
التوجيهي ليس الا عبارة عن مرحلة، ولكنه اصبح ظاهرة مزعجة للاهالي وارباك للطلبة من كثرة التخويف مع العلم انه ليس الا عام دراسي (ان تدرس تنجح) وما في استاذ بدير بالو علينا بنزبط بكفي يا عالم خلينا قد المسؤوولية

8 ) خلدون / الخليل
12/06/2010 10:53
أكييد ضروروة هامة جدا. لكي يتم فلترة الطلاب قبل دخولهم للجامعه. لأن وضع الطلاب المنتسبين إلى الجامعات في هذه السنوات سيئ إلى حد ما!!

9 ) محمد / فلسطين
12/06/2010 10:56
مرحلة فارقة بين التعليم الاساسي والجامعي، اتمني لطلابنا الاعزاء التوفيق

10 ) ام كفاح / الخليل
12/06/2010 10:58
اكيد ضرورة وشي مهم كتير التوجيهي يعتبر تصريح مرور لدخول عالم الدراسات العليا وتعتبر ادنى مستويات التعليم المطلوبة للعمل

11 ) متعقد من الحياة / فلسطين
12/06/2010 10:59
هو مش بس التوجيهي صار استظهار ، الجامعة برضو صارت استظهار في هذه البلد
يعني الواحد بتعب وبسهر الليالي علشان يصير عاطل عن العمل في الاخر

12 ) يوسف الحاج قاسم / فلسطين
12/06/2010 11:00
هي ضرورة بس في ناس بتعلمها استظهار وببلشو عجق
اما التوجيهي مهم وتجربة حلوة للطالب

13 ) أبو فراس / الخليل -فلسطين
12/06/2010 11:01
ضرورة لفرز ناتج 12سنة تعليمية، مع التأكيد من وجود بعض حالات الاجحاف بحق الطلبة

14 ) بنت الفتح / قلقيلية
12/06/2010 11:02
التوجيهي ضرورة وليس استظهار

الله ينجحهم جمعيهم يارب بمعدلات ترفع الراس

امين يارب

15 ) عصام الحج محمد / فرنسا
12/06/2010 11:03
هذا شيء اكيد ان التوجيهي ضروري لانه طريق التحول لحياة كل شاب وشابه

16 ) سهى / فلسطين
12/06/2010 11:05
ليس ضروري التوجهي لان هذه السنه تحتم على كثير من الطلبه عدم الخروج للاجواء المهنية يعمل على عاءق امام كثير من الطلبه لانه بعتبر كخرم الابره لايستطيع ان ينظر الى عالم اخر الا من الخروج من خلال هذا الباب

17 ) ابوالرائد / فلسطين-الخليل
12/06/2010 11:07
هوضرورة وهذاهو سلاحنا الوحيد لانتاج جيل متعلم ليقود معركة بناء الدولة امستقلة

18 ) ابراهيم سعيد / غزة
12/06/2010 11:08
ربنا يوفق طلاب وطالبات الثانويه العامه اقسم بالله انو التوجيهي مرحلة اسهل من المرحلة الي بعدها وهي الجامعة يعني مشكلة توجيهي انو الناس مكبرينها شوي اما هي سهلة جدا ولاكن تكمن صعوبتها في الضغط النفسي فقط

19 ) احمد / فلسطين
12/06/2010 11:09
التوجيهي ليس بضرورة ، وليس مقياسا ، وقد ثبت من الواقع ان طلابا دخلوا الجامعات بمعدلات عالية ولكنهم فشلوا في الجامعة لان معدل التوجيهي كان عبارة عن ( شطارة ) في الغش فقط ، وفي الوقت ذاته كان هناك العديد من الحالات التي ابدعت في الجامعات رغم المعدل المتدني في التوجيهي بسبب رهبة الامتحان

20 ) مؤيد / قلقيلية
12/06/2010 11:09
استظهار بكل معنى الكلمة !!!!!!!!!!!!!

21 ) زياد / فلسطين
12/06/2010 11:12
ضرورة طبعا لأنها مفصل في الحياة، فهي التي تحدد المستقبل، رخصة لدخول الجامعة
طبعا ضرورة

22 ) وسام / طوباس
12/06/2010 11:14
نقطة البداية للراحة

23 ) أبو أكرم / فلسطين / الخليل
12/06/2010 11:17
بالطبع التوجيهي ضرورة
لكن هتالك تصعيب في بعض الامور على الطلاب و اهاليهم

24 ) رامي / فلسطين
12/06/2010 11:24
اكيد ضروري احلا اشي التوجيهي بتكون على اعصابك ولما تنجح بطير من الفرح

25 ) ابو البراء / غزه
12/06/2010 11:25
توجيهى واجب على الجميع وان شاء الله ينجح الجميع ولكن المشكله عند التخرج من الجامعات هل يوجد وظائف عند التخرج طبعا لا

26 ) ساري / ؟؟؟؟
12/06/2010 11:29
ضرورة

27 ) معتز / مصر_فلسطين
12/06/2010 11:32
أنا اجزم بأن مسألة التوجيهي مضيعة للوقت وللجهد وللقدرات . لأن الحظ يلعب الدور الأكبر فيها . ناهيك عن تفاوت الظروف لدى الطلبه أثناء فترة تقديم الإمتحانات إضافة إلى ميزاجيات المصححين وأساليبهم . وكذلك فإن معظم الدول الأوروبيه وأمريكا لا تعتم هذا النظام ونجد الإبداع والتميز لديهم والتخلف والقصور لدينا

28 ) ابو انس زعيم النصر / غزه
12/06/2010 11:32
التوجيهى مطلوب من الكل ولكن هل يوجد مستقبل للطلبه في غزه طبعا لا يوجد فرص عمل للطلبه القدم منذ سنين فما مستقبل الجدد

29 ) امير / اريحا
12/06/2010 11:35
ضروره اكيد لاكمال المسيره التعليميه والحصول على الشهاده الجامعيه

30 ) يحيى / الخليل
12/06/2010 11:42
مفتاح الحياه الافضل

31 ) نائل / رام الله
12/06/2010 11:43
اكيد ضرورة وايضا يجب ان يكون اصعب لكي يتخرج احق الطلاب ويكون لهم فرص عمل شاغرة

32 ) أحمد المدهون / غزة - فلسطين
12/06/2010 11:43
بالتأكد ضرورة لمن يقدر العلم وبالغالب استظهار

33 ) خليل خليل / الخليل
12/06/2010 11:45
بطبع التوجيهي هو ضرورة لنه يحمل المستقبل وبما انه المستقبل فيكون من بعض طباعه الاستظهار اليوم اول يوم بالامتحانات بنتمنى التوفيق لجميع الطلبة وان شا الله بحصلوا على معدلات مشرفة بس في الي سوال لماذا احس ان طلاب التوجيهي كانهم يذهبون الى حبل اعدام وليس الى امتحان من قبل الاهل والمجتمع والمدرسة

34 ) احمد جهالين / فلسطين
12/06/2010 11:49
طبعا ضرورة لانه سياتي علينا وقت الي ما معه شهادة مش رح يلاقي شغل او كل شغل بدو اياه الا يطلب عليه شهادة

35 ) ايهاب الحموري / فلسطين-الخليل
12/06/2010 11:49
أكيد أنه ضرورة قصوى لأن التعليم تهذيب للأخلاق والنفس وطريق لتحرير الوطن.

36 ) ابو حسين / فلسطين
12/06/2010 11:50
لقد احيط التوجيهي بهاله بحيث اصبحت الاجواء مرعبه حول التوجيهي وكان حرب الخليج الثالثه على الابواب
اتمنى التوفيق لجميع طلبه التوجيهي ولاننسى من جد وجد ومن سار على الدرب وصل
ادخلني ساحة الميدان ولاتدخلني قاعة امتحان (( نابليون ))

37 ) علي / بيت لحم
12/06/2010 11:50
طبعا ضرورة فلسطين مشهور بعلمو ولازم نحافظ عليه

38 ) هبة / فلسطين
12/06/2010 11:50
طبعا ضرورة لأان هلأ صفا التعليم اهم شي

39 ) shaker / palestine
12/06/2010 11:51
التوجيهي ادنى ضرورة من ضرورات الحياة (طبعا بعد الاساسيات متل الاكل والشرب والمسكن) خاصة في ظل الوضع اللي احنا الفلسطينيين عايشينو

40 ) ممممممممممممممممم / ترقوميا
12/06/2010 11:51
التوجيهي ضرورةملحة و قصوى لابنائنا في ظل وضعنا الراهن الصعب وحتى يتمكن ابنائنا من ضمان مستقبلهم

41 ) درملي خميس / البوسنة
12/06/2010 11:55
الحقيقة ان التوجيهي اصبح ليس ضرورة فالكثير من من دخلوا التوجيهي والان لا يستطيعون القراءة والكتابة وقبل ان يدخل الطالب الى قاعة الامتحان يفكر مليا في ما بعد الجامعة اكثر من 16000 شهادة ماجستير بلا عمل الالاف الطالب خريجون بدون عمل لذلك اصبح من يحمل شهادة التوجيهي كمن يحمل على ظهره كيس من الطحين عبئ

42 ) مواطن فلسطيني / فلسطين
12/06/2010 12:00
نعم التوجيعي ضرورة لانه يشكل مفصلا في حياة الانسان

43 ) سليمان حسين / السعوديه
12/06/2010 12:04
امتحان التوجيهي هو بمثابةالفاصل بين الحاضر والمستقبل و الخطوة الاولى نحو المستقبل . هكذا تعلمنا وتربينا
مع تمنياتي لكل المتقدمين بالنوفيق والنجاح ان شاء الله

44 ) من الشعب و مع الشعب / فلسطين
12/06/2010 12:05
اكيد مش ضروري لانه حرام ينحكم ع الطالب من خلال سنه وحدة من مجموع 12 سنه يعني ما بصير نخلص المدرسه بدون حرقه اعصاب وامراض نفسيه وتعقيد من كل الدراسه

45 ) طالب علم / فلسطين
12/06/2010 12:14
العلم حلوة والتخرج والله احلى واحلى

46 ) القناص / مخيم العروب
12/06/2010 12:15
هاد كلو استظهار ما في شي للضرورة
لنفرض خلصو توجيهي وجامعة اوك
وبعدها وبالاخص الشباب وين بدو اروحو
على الورشات هاد ازا في ورشات شغل
ما في تامين للوضائف
والله يوفق الكل

47 ) خالد / فلسطين
12/06/2010 12:18
يجب الغاء امتحان التوجيهي حيث أن المجتمع بكامله يقف على أعصابه أكثر من شهر ممنوع الافراح منع تجول في البيت اللي فه طالب توجيهي وفي النهاية علامات المدرسة أكثر صدقية من امتحان التوجيهي حيث ان علامات المدرسة تعطى للطالب طوال العام الدراسي وبناء على الكثير من الاختبارات وتقييم المعلم

48 ) فلسطيني-تركي / فلسطيني-تركي
12/06/2010 12:19
التوجيهي بنظري احد اكبر المشاكل النفسية التي تواجه الطلاب في حياتهم, وذلك لما يتم تضخيم اهميته من قبل الاهل لدرجة انه اصبح كالكابوس للطلاب,ومنهم من انتحر عند رسوبه خوفا من ردة فعل اهله, فيجب توعية الناس بهذا الخصوص وتغيير فكرهم او إلغاء التوجيهي كباقي دور العالم والاكتفاء بامتحان قبول للجامعة

49 ) rami / hebron
12/06/2010 12:20
كان ضرورة وأصبح استظهار.... الشهادة للجميع ...والعلم لمن أراد

50 ) ا / جنين
12/06/2010 12:21
والله انها صارت استظهار .. بس الله يوفقهم

51 ) دحدول مبسلط / خليها ع الله
12/06/2010 12:22
لاضرورة ولا استظهار

بطلت تفرق

52 ) ابو خالد / غزه
12/06/2010 12:26
ضروره جدا جداجداجداجدا

53 ) طالب توجيهي / جنين
12/06/2010 12:29
هو بصراحة التوجيهي صروري جدا بس .اليوم يلي بصير انو مجرد استظهار

54 ) حمزة / فلسطين
12/06/2010 12:33
يا جماعة احنا معطيين التوجيهي اكبر من حجمه
الواحد بخلص توجيهي بفكر حالو خلص
اصلا الجامعة اصعب اكثر من التوجيهي و اليوم الي معهم بكالوريوس اكثر من الهم على القلب

55 ) محمد / فلسطين
12/06/2010 12:36
التوجيهي مهم جدا للمجالين العلمي والعملي

56 ) فلسطيني / فلسطين
12/06/2010 12:37
الدراسة والعلم ضرورة ومن متطلبات العصر لخلق جيل واع ٍقادر على تحمل المسؤولية والنهوض بالوطن نحو الافضل فبالايمان والعلم والاتحاد نبني وطننا عزيزا قويا كما يقال اذا أخطا الطبيب يقتل شخصا واحدا واذا اخطا المعلم يقتل جيلا كاملا

57 ) أحمد / غزة
12/06/2010 12:37
الصحيح انه صار توجيهي ما اله قيمة في قطاع غزة لانه توجيهي يؤدي للجامعة والجامعة تؤدي الي البيت والنوم في البيت لا وظائف محترمة ولا حاجة

58 ) مواطن / فلسطين
12/06/2010 12:39
التوجيهي يعتبر خطوة ناجحة في حياة الطالب لا اعقد انه ضرورة بقدر ماهو استظهار

59 ) حنون / فلسطين
12/06/2010 12:39
تلتين يلي بقدمو توجيهي مو محبه بالدراسه بس عشان يطلعو عالجامعه ولا لو عنا جامعات منفصله انث لوحدهم وذكور لوحدهم ما حد نجح بالتوجيهي ولا حد سال وفي قسم ما بهتمو بهيك شي في ناس بتدرس تاتنجح وترفع راس اهلها

60 ) حازم / بيت سوريك
12/06/2010 12:41
ضرورة وملحة كمان
والله يوفق كل الطلاب والطالبات

61 ) ابو حديد / الخليل
12/06/2010 12:42
التوجيهي هو عبارة عن حصاد لاثنى عشر عاما وهذا بحد ذاته تحدي كبير للطالب والمدرسة والاهل وربما يكون في هذه الحلقات الثلاث خلل وهذا وارد
لذلك يجب العمل على تغيير طريقة التوجيهي بحيث تكون على اكثر من فصل كما هو النظام الجامعي فعلى سبيل المثال في الفصل الاول يقدم الطالب خمس مواد والفصل اربع مواد وهكذا

62 ) Bara AL-Mohjer / palestine
12/06/2010 12:49
مرحلة التوجيهي مرحلة مهمة في حياة الطالب لانها تساعده في الوصول إلى تحقيق حلمه باكمال مسيرته التعليمية وبتمنى النحاح لكل طالب موفقين

63 ) احمدي نجاد / فلسطين
12/06/2010 12:50
الله يوفق طلبة التوجيهم لما هو خير للاسلام والمسلمين
وفي اعتقادي ان التوجيهي هو ضرورة لكل شخص للوصول الى مرتبة مرموقة من مراتب العلم باذن الله
شكراااااااااااااااا

64 ) رمضان / نابلس
12/06/2010 12:50
ضرورة لا بد منها لمواجهة مصاعب الحياة

65 ) أبو عماد / فلسطين
12/06/2010 12:51
التوجيهي .... ضرورة لكن بصورة غير

66 ) ياسمين / فلسطبن
12/06/2010 12:51
التوجيهي بنظري ضروري ولابد منه وبالأخص للفتيات لأنه سلاح لهن في المستقبل
من الزوج الفاسد الذي لاسمح الله سيكون من نصيبهن

67 ) ابو جوزيف / جنين
12/06/2010 12:59
أكيد ضرورة كثير, لأنها البكالويس على وشك أن تعتبر محوا أميه كيف التوجيهي !!!

68 ) صالح / نابلس
12/06/2010 13:13
طبعا ضروره لانها الشهاده الجامعيه عنوان رقي الشعوب

69 ) اشرف ابو عسكر / غزة
12/06/2010 13:19
التوجيهي اسوأ ظاهرة في مجتمعنا .. لما لها من اذى نفسي ورهبة يضعها المجتمع كاملا في نفس الطالب المتقدم للامتحانات .. سواء كانت اسرته او الطاقم التعليمي في المدارس او وسائل الاعلام والحكومة .. ولكسر هذه الرهبة يتوجب علي الممسؤولين اخذ نموذج آخر للتوجيهي .. وهو المعدل التراكمي لسنتي الثانوية الاخرتين

70 ) سهام نواصرة / فلسطين
12/06/2010 13:28
التوجيهي ضروري جداً .ولا يخشاهالا الفاشلون

71 ) عصام / فلسطين
12/06/2010 13:31
بإعتقادي التوجيهي ضرورة في مجتمعنا لأنها هي التي تحدد المستويات المختلفة للطلبة فكل السنوات قبل التوجيهي لا تحدد مستوى الطلاب لأن الكثير يعتمد على الغش ( وإن وجد الغش في التوجيهي فهو قليل جداً ) و غير ذالك المدرسون ينجحون بعض الطلاب من لا شيء و يرفعون الآخرين !! و بالتوفيق للجميع

72 ) ahmad amm / قلقيلية
12/06/2010 13:33
والله يا جماعة الخير التوجيهي مفصل من مفاصل الحياة والعلمية والعملية وبدونه يضعف نمو الانسان من الناحيتين العلمية والعملية ... اذا فهو ضرورة .. وضرورة هامة جدا... الله يوفق جميع طلابنا في التوجيهي .. قولوا آمين...سلام

73 ) توجيهي / فلسطين
12/06/2010 13:36
بالتأكيد ان الحصول على شهادة الثانوية العامة اصبحت ضرورة ملحة وليست استظهار فالعالم يحاربنا بالعلم ومقياس التقدم لدى الدول هو العلم ومقياس التحرر فنحن بحاجة ضرورية للعلم ولسنا بحاجة للاستظهار وفق الله طلبتنا الاعزاء مع بداية مشوارهم العلمي نحو التقدم والنجاح

74 ) ابو لؤي / فلسطين
12/06/2010 13:37
التوجيهي ضروره , لانه هو المقياس الوحيد المتوفر في الوقت الراهن باسلوبه الحالي , لكن نحن نأمل بأن يكون هناك اسلوب افضل وارقى تمشيا مع التقدم العلمي الهائل وان تزال عقدة وهيبة التوجيهي لدى الطلاب

75 ) رافت / فلسطين
12/06/2010 13:41
بالتاكيد التوجيهي ضروره مهمه جدا لانه مرحله تساهم في تحديد مستوى الطلاب وتحديد توجهاتهم المستقبليه .

76 ) نضال سوالمه / فلسطين
12/06/2010 13:46
لا ضرورة ولا استظهار وانما هو طريقة غير دقيقة لتقييم اداء واستيعاب الطالب قبل الخروج الى الدراسة الجامعية،ولكن هناك في بعض الدول من يأخذ نتيجة الصفوف الثلاثة الاخيرة مع اعطاء حصة اكبر نوعا ما من التقييم للسنة الاخيرة ومن ثم يقيم الطالب على اساس ذلك. فمثلا ما ذنب طالب متفوق في ظروف قد تطرأ وقتها

77 ) احمد عبد الرحيم طيطي / فلسطين / الخليل
12/06/2010 13:50
التوجيهي هو عبارة عن جسر المستقبل نجحت عديت للمستقبل ما استطعت تنجح رح اضل عليه واكيد التوجيهي ضرورة

78 ) فلسطين بنت كنعان / فلسطين
12/06/2010 13:50
اصلا لشو التوجيهي مش فاهمة بـ12سنة دراسة بنسوا كل شي وبستنوا العلامة الي بدك تجمعها خلال شهر ولا شو بعد ما تدرس لو صرت شو ما صرت بدك تطور بنفسك برجع بئولك علامتك في التوجيهي وهاتلك اذا اشي متذكرين اشي من التوجيهي

79 ) ابن فلسطين الحبيبة / فلسطين
12/06/2010 14:01
بدأ الشعب الفلسطيني باعادة بناء جيل جديد واعي لينهي حقبة من الجهل .

80 ) ramallah / ramallah
12/06/2010 14:06
التوجيهي ظاهره متخلفة يجب العمل على تغيرها

81 ) ابو البشير / فلسطين
12/06/2010 14:06
نعم التوجيهي ضروري وهو عبارة عن عملية فرز للطلبة المتفوقين وغيرهم المطلوب عملية تصحيح سليمه وعدم زيادة نسبة النجاح لرفع هذه النسبه عن الحقيقية للنهوض بالعملية التربوية الى اعلى مستوى في الوطن الحبيب

82 ) احمد / فلسطين
12/06/2010 14:11
التوجيهي نقطت مهم فى حيات الانسان او هي ضروره وليست استظهار اتنااا التوفيق للجميع الطلاب او الطالبات

83 ) ابو قيس / فلسطين
12/06/2010 14:12
انا بوجهة نظري انها ضرورة وخصوصا لشعب الفلسطيني وخصوصا انو اليوم ابسط اشي بحتاج لشهادة التوجيهي والله يوفق طلاب التوجيهي يا رب

84 ) بشير بني عوده \ طمون / فلسطين
12/06/2010 14:16
اتمنا لهم النجاح \ التوجيهي ضروري ضروري

85 ) بنت نابلس / فلسطين
12/06/2010 14:18
التوجيهي مهم كتير لانه مفتاح المستقبل مع اني خلصت جامعه بس كان التوجيهي احلى وبتمنى التوفيق لجمبع الطلبه وخصوصا اخي وشكرا

86 ) عماد / فلسطين
12/06/2010 14:23
التوجيهي له رهبه كبيره عند الطلاب حرام دراسه 12 سنه تحكم على الطالب من خلال اسابيع فقط

87 ) محمود / غزة
12/06/2010 14:30
هي اكيد ضرورة وسميت توجيهي لانها تعتبر مواجهة ومرحلة انتقال كذلك هي مصير كل الطالب اي الحصاد لكل السنوات التي قضاها في المراحل التعليمية والله يوفقهم جميعا ونشوفهم في الجامعات

Share/Bookmark


الصورة التالية
الصورة السابقة
جميع الحقوق محفوظة لـ وكـالـة مـعـا الاخـبـاريـة © . 2005-2014