أضف الى المفضلة RSS خدمة اجعلنا صفحة البداية

بحث متقدم

التربية ترد: المعلمة كانت تضع الطفل بجوارها لا بجوار سلة المهملات
نشر الثلاثـاء 24/05/2011 (آخر تحديث) 25/05/2011 الساعة 07:56
بيت لحم- معا- سارعت التربية والتعليم للرد على التقربر الذي نشرته "معا" اليوم حول قيام احدى معلماتها بمعاقبة طفل في الصف الاول باحدى قرى نابلس، بالوقوف شهرا امام سلة المهملات.

وقال البيان ان المعلمة كانت تضع الطفل بجوارها لا بجوار سلة المهملات لانه بطيء التعلم وبحاجة ان يكون بجوارها وفق ما جاء في بيان التربية.

وفيما يلي النص الكامل للرد كما ورد:

"بالاشارة الى ما نشر في معا ظهر اليوم حول قضية الطالب المذكور فاننا نوضح وبشكل لا يقبل الشك اننا قمنا بداية باستقبال والد الطالب في المديرية وهو بحالة نفسية صعبة وكان عصبيا جدا وقدمنا له كل احترام وتقدير وقدرنا انفعاله الشديد وحاولنا امتصاص غضبه مقدرين انفعاله لمصلحة ولده ككل الاباء والامهات واستمعنا الى شكواه شفويا وكتابة وقامت مديرة التربية بتحويل الشكوى الى اللجنة المختصة بذلك لمتابعتها بالسرعة الممكنة في نفس الوقت كانت هناك شكوى من مديرة المدرسة موضحة تهجمه على المدرسة مسلحا بعكس ما قال علما بأنه رجل قانون وقامت اللجنة بالاستماع الى تقرير مديرة المدرسة والمعلمة وتبين ان الطالب يعاني من ضعف في التحصيل وبطئ في التعلم وبحاجة الى رعاية خاصة وان المعلمة تضعه الى جانبها وليس بجانب سلة المهملات ونحن نقوم بالتعامل مع كافة القضايا بشفافية كبيرة وبحرص شديد على طلبتنا الذين هم في الاصل اولادنا بالدرجة الاولى وكل من يخطئ يتعرض للعقاب والمسائلة مهما كانت صفته والكل يعلم ان التربية والتعليم تتعامل مع قوانين واسس وليس بالمحسوبية والتحيز".
الطباعة ارسل الى صديق
1 ) زديع / سلفيت
24/05/2011 22:54
لازم تسمعزا من الطرفين في الاول ويبين الصح

2 ) نابلس / فلسطين
24/05/2011 22:57
كل الاحترام لجميع المعليمن والمعلمات والمزاودين على هؤلاء المعلمين ....فليس كل ما يكتب قريب للواقع ....وما ذكره المعلقون على الخبر الاول ارجو ان يتراجعو عن هجومهم على التربية والعتليم الغير مبرر ...

3 ) مدرس مقهور / فلسطين
24/05/2011 22:58
اول شي كنها المعلمة مسنودة وثاني شي هيك معايير لتوظيف المعلمين راح تنتجلنا هيك معلمين عنا في المدرسة صارو معينين ثلاثة مدرسين عندهم ازمة نفسية ( مجانين ) والله اعلم شو في كمان زي ما قال عادل امام " التعليم باز يا جدعان "

4 ) palestine / فلسطين
24/05/2011 22:59
اولا المعلمين هم احرص الناس على اولادنا ، وهم من يحافظون عليهم اكثر من الاباء
ثانيا نتمى من الاباء الاهتمام بتعليم وتربية الابناء ناهتمام المعلم بالطلاب
ثالثا نعم للمحاسبة ونعم لسيادة القانون،في اي اشكال يقع بين الاهل والمدرسة
رابعا يجب تحري رواية التربية ورد الاعتبار للمعلمة

5 ) رامي - رام الله / فلسطين
24/05/2011 23:00
بعد التحية وكل الاحترام والتقدير لوكالة معا لتسليطها الضوء على قضايا مهمة قد تغافل عنها اصحاب القرار .....

التبرير هو شيء متوقع ... بصراحة في منظومة قيم اجتماعية خاطئة وسلوكيات غير حضارية وافكار تعبر عن تخلف لدى المدرسين في تعاملهم مع الطلاب ... العنف هو الوسيلة الوحيدة ... بكفي دخيلكم

6 ) فلسطين / فلسطين
24/05/2011 23:01
بدكم الحقيقه اسألوا طلاب صفوا ماراح يكذبوا.بعدين على قول الاب او الاولاد همي اللي حكولي انو ابنو معاقب من شهر عند يله الزباله.......... التربيع عنا بدها اضبضب الموضوع واذا المعلمة مدعومه عاد شوفوا كيف بيصير الموضوع....!!!!!!! بعدين هاي الكلمات والمسبات (كلب وحقير بالذات )مو عارف كيف بتطلع من معلمة!!

7 ) خبير تربوي / فلسطين
24/05/2011 23:17
مع إحترامي للجميع والجهود التي يبذلها المعلمون وطواقم التربية والتعليم............
الموضوع واضح . لا يمكن لطالب ان يرى السبورة في هذا الوضع . وحتى لو كان الهدف تحسين اداء الطالب فرضا فيجب ان يكون بين زملائه.
ولا أعرف اين المرشدة والمديرة والنائبةوووووووووووو

8 ) زياد / فلسطين
24/05/2011 23:19
اذا جائكم فاسق بنبأ، فتبينوا. اقرب الى العقل انها كانت تضعه بجانبها و ليس بجانب سله المهملات... يا جماعه... شهر زمان كثير... لو كان صحيح اكيد كان الولد او حتى حد ثاني حكى... لا تستعجلوا فتظلموا... و الله اعلم.

9 ) ابن فلسطين / الامارات
24/05/2011 23:22
انا بحكي حتى لو كان الولد بطئ بالتعلم مش صح انها توقفه طول اليوم
كان ممكن تحطه قدامها بالصف الاول وتشاركه بالنقاش
مش تخليه يضل واقف
القصة مفبركة
شو الي بيصير بالدنيا يا عالم
كل يوم قصة بتخزي
الله يستر علينا ويرحمنا برحمته

10 ) مصطفى جابر / الخليل
24/05/2011 23:35
بعين الله بجوز تقريركم كاذب وبجوز ردهم كاذب

11 ) معلم / فلسطين
24/05/2011 23:36
الطلاب اصدق منا جميعا وانا مع متابعة القضية هذه لانني اشاهد هذا الاسلوب دائما مع احترامي لجميع زملائي المعلمين والمعلمات, هذا خطأ ونحن يجب وقف هذه الظاهرة من العقاب . الطلاب اصدق عندما قالوا هكذا.

12 ) معلم / فلسطين
24/05/2011 23:36
يعطيكم العافية جميعا ، يعني انا مش عارف مين الوم وليش والد الطالب ما بيعرف وضع ابنه من ناحية التحصيل وقدراته يعني لو الطلاب ما حكوا ما كلف روحه ولا راح سأل عن ابنه
كيف ابن صف اول ما بيتابع من الأهل واللوم دائما على المعلم ما ضل الا يركبوا عليه سكة يعني الله يكون بعون كل المعلمين والله معاكم

13 ) طالب سابقا والحمد لله / الخليل
24/05/2011 23:36
الي ما كان سامع يسمع واللي سامع و مطنش ينتبه . تعريف التعليم"التعذيب" / ضرب ,تلطيش على الوجه واماكن اخرى,عقاب جماعي ,تحقيق رسمي . والمعلم /دكتاتور نازي ,اذا كان في عندك شك من كلامي اسئل واحد من الطلاب بقلك !!! حسنوا هالتعذيب شوي !!! اذا بدكوا شعب واذا بدكوا دواب عتالة خلي زي ماهو

14 ) دمي نار / فلسطين
24/05/2011 23:37
اعتقد التربية بدها تربية ... لو صارت مع ابني بحرق المعلمة والمدرسة وبلعن مدير التربية بنفسوا .....

15 ) مدير / نابلس
24/05/2011 23:39
ليس دفاعا عن احد اطلاقا يجب محاسبة من يخطئ ......ولكن ارجو من الجميع قبل كيل التهم الاستماع للطرفين ليس اكثر وهذ حق طبيعي للكل قبل اصدار الاحكام والغريب ان المعظم دائما يضع المحسوبية والواسطه وكأنها هي الاصل مع العلم ان ذلك غير صحيح وولي الامر دائما ياتي الى المدرسة متسلحا وكان ابنه دائما على حق

16 ) ماسح الدمعة / نابلس
24/05/2011 23:39
انا استاذ ومليت من اسلوب الهجوم علينا عنجد زودتوها ......!!!!!!!!

17 ) ساهر خليفة / فلسطين
24/05/2011 23:40
للاسف اصبح المعلم مستهدفا من كثير من ابناء الشعب حتى ان الجميع يتناسى كل شء امام خطا المعلم وان وقع متناسين العبئ الذي يتحمله المعلم من الطلبة وهو يفوق ما يتحمله الاباء والامهات من ابنائهم ان بقي المجتمع بهذه الصورة فانا ابشركم بانحطاط فوق الذي نراه هذه الايام وبالاخر كل العاتق طبعا على المعلم

18 ) مواطن / رام الله
24/05/2011 23:40
بعتقد انه في معلومات كثيره ما زالت ناقصة:
كيف استطاعت المعلمة تشخيص ان الطالب يعاني من صعوبات تعلم؟ علما ان الطفل ما زال بالصف الاول، وهل تكون معالجة صعوبات التعلم بان يكون الطفل قرب المعلمة كما تدعي؟!! اين ملف الطالب؟ هل تم ابلاغ ولي امر الطالب بمشكلة ابنه؟ هل تم عرض الطفل على مختص ليحدد حالته؟

19 ) معلم / فلسطين
24/05/2011 23:42
والله من يوم منع العقاب والضرب باز العلم والتعليم التربيه الله يرحم ايام ما كنا طلاب وجنابنا زرق من الضرب اليوم احكي لطالب اخرس بتوكل خخخخخخخخخخخخخخخ والباقي عنكم

20 ) ابو الطيب الزبيدي / سلفيت/فلسطين
24/05/2011 23:42
بالامس كشفت وكالة معا وبكل جراة عن حالة اجتماعيه تقشعر لها الابدان ,بالرغم من الميزانيات الضخمه التي تصل وزارة الشؤون وللاسف الشديد تجير هذه الميزانيات لاهدا خاصه وحقيقة اثبتت الوزارة وبكل جدارة على اقتطاع هده الميزانيات الى اتجاه معين وكان الصراع مع الزمن وقبل انتهاء عهد الوزارة لمنح الترقيات لها

21 ) فلسطين / فلسطين
24/05/2011 23:43
المهم عند بعض المدرسين الراتب مش مهم اذا الطالب فهم ولا لا يفهم

22 ) محمد ضرار / فلسطين
24/05/2011 23:43
اول شي لكل اللي بدافعوا عن المعلمة بدون ما بفكروا بعقل...الطفل لو انه المعلمة حاطته جمبها كان بكره المدرسة؟؟ بالعكس بصير يحبها اكتر ...كمان واحد عمره ست سنين شو متوقعة منه يصير اينشتاين للاسف صار التعليم عنا تجارة ومتل ما حكى رقم 6 ازا االطالب كزب وابوه كزب طب طلاب المدرسة بردو بكزبوا؟؟؟

23 ) بلاطة / فلسطين
24/05/2011 23:43
1 كان الله بعون العباد 2 تهجم والد الطفل ع المدرسة بسلاح مادا يفهم 3 اتوقع كلام التربية والتعليم فيه تسرع واضح

24 ) الرد وما ادراك ما الرد / فلسطين
24/05/2011 23:44
الرد لا يستحق ولا يرقى الى مستوى حتى ان يقال عنه رد فهو تبرير فارغ المضمون لا معنى له كالعذر الذي هو اقبح من ذنب فالظاهر ان المعلمه لها فيتامين واو عشان هيك بلشت المبررات تخرج من هنا وهناك واصبحت المعلمه لا بل .... هي المجني عليها والطفل هو الجاني ...........؟؟؟؟؟؟؟؟؟؟؟؟؟

25 ) محمد / فلسطين
24/05/2011 23:44
بتمنى من معاً انها تحاول متابعة الموضوع لوجود احتمالين: الاول ان الصحافة لدينا فيها مشكله عدم تحري الخبر بشكل صحيح، والثاني هو وجود إهمال مبرمج ومتفق عليه في الدوائر والمؤسسات الحكومية مثل التربية والتعليم وهو أمر لا يجب السكوت عنه. واعتقد ان بإمكان معاً وواجبها فعل ذلك... مع كل الاحترام

26 ) موسى / فلسطين
24/05/2011 23:45
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; لا تعليق

27 ) محمد ضررار / فلسطين
24/05/2011 23:46
التربية والتعليم عنا صار بايظ وكله تجارة والمعلمين والمعلمات نسيوا اخلاق المهنة وصاروا الفن بتعزيب ولادنا هي الاهم الهم ...هاي المعلمة لازم تنفصل من المدرسة لانه عيب يكون بيناتنا وحدة متلها ما بتعرف قيمة الامومة والطفولة لهيك لازم اهل الولد ما يسكتوا ومديرة التربية لازم تنعزل وتتحاسب لانها مو كفء

28 ) غريب من بلد عجيب / بلا وطن
24/05/2011 23:47
صراحة يحق للمعلم ان يتصرف كيفما شاء فى الصف مع الطلاب
لانه هوا بعلم فى حال الطلاب وبعرف شو يعمل
بكفى انو هوا بقضى اكتر من نص نهار اليوم مع الطلاب بعكس االوالد الى بكون مش فاضى يشوف الابن دقيقة

29 ) ام عبد الرحمن / فلسطين
24/05/2011 23:48
لا اظن ان يكره الطفل المدرسه لان المعلمه بتهتم فيه اكتر من غيره بس هاي سياسه المدارس انها تدافع بالحق والباطل عن مدرساتها الولد بحرق القلب بصراحه كلام التربيه غير مقنع ابدا

30 ) مواطن / رام الله
24/05/2011 23:49
لا اريد ان احكم على الامور ، وقد يكون الموضوع يتعلق بسلوكيات طالب كثير الحركة والمعلمة ليس لديها الكفايات اللازمة في تحديد الحاجات النفسية والاجتماعية للطقل ؟ بل اعتقد جازما ان المعلمة لا تستطيع ان تكون معلمة مرحلة وغير قادرة على تحديد حاجات الطلبة وخصائصهم

31 ) احمد / غزه
24/05/2011 23:49
على ما يبدوا المدرسه واصله وسطيتها كبيره قوي

32 ) محمود / فلسطين
24/05/2011 23:49
هدا الحكي ما بدخل العقل زلا يتصدق معقول على شان تهتم فيه ودرسة بتوقفه ببحدها ولا عمرها بالخياة صارت هل الحكي ما بخرط عقل حدا هاي المدرسة اكيد مدعومه ادا بدها تهتم فية بتقدر تروح على درجه وتهتم فية وتابعه سوري مش زابطة

33 ) فارس عثمان / فلسطين
24/05/2011 23:54
الحقيفة ان المعلم /ة اصبح ملطشة للي بيسوى واللي ما بيسوى من كافة عناصر المجتمع ...فهو للاسف الشديد ليس محل تقدير او احترام على المستويين الشعبي والرسمي .اضافة الى ذلك فليس لديه اتحاد معلمين منتخب يمثله ويدافع عن حقوقه ....لذلك فلا عجب ان يقال كما قال عادل امام ( التعليم باز يا جدعان)

34 ) عاشقة الحربة / فلسطين
24/05/2011 23:55
السلام عليكم:
للاسف مدارسنا ومعلمينا مفتقرون الى التعالم والتربية وانا اصدق الطفل واعتقد ان المعلمات يفعلن ذلك وبدل ان تتهجم التربية والتعليم على والد الطفل وعلى وكالة معا المشكورة على كشف الحقائق تقوم بمعاقبة المعلمة وتكون عبرة للمعلمات الاخريات

35 ) مواطن / فلسطين
24/05/2011 23:55
عندما قرأت الخبر لم أصدقه كما جاء لسببين:
اولا: لو كان الطالب معاقب فعلا كان خبر اهله ولا هو اخرس مابحكي.
ثانيا:مجتمعنا نوعا ما سلبي في التعامل مع الامور وينظر اليها من جانب واحد لذلك شاهدنا الهجوم على المدرسه والتربيه والتعليم عن عدم علم .
انا بصراحه شايف انو الجيل اليوم باز موش التعليم

36 ) رانيا من القدس / فلسطين
24/05/2011 23:57
اعتقد ان ريحة الكذب والتبرير من قبل التربية خاصة بعد ان اصبح الموضوع راي عام واحتمال تحول الى تحقيق رسمي واشد على يد وكالة معا بالتوجه الى زملاء الطالب فورا وسؤالهم فهم اطفال لا يكذبون وعرض الطفل على طبيب نفسي لتأكيد او النفي وعدم تصديق كل ما يكتب من قبلهم فهو تبرير فقط لا غير

37 ) Salam Barcelona / Espa?a
24/05/2011 23:57
تعرف ما هو التعليم؟ توفير المهارات اللازمة لإدارة المجتمع وتحقيق تنمية التدريب. الانسان هو ناضج عندما يصل إلى توازن جيد بين قدراته الفكرية الشخصيةأكثر إنسانية. الذاتية.التعليم هو شخصية مهمة من المرب (الوالد/ه والمعلم/ه) ومهمة تثقيف المرء يجب ان يجتمعوا معا ليتكلموا عن ما حصل بهدوء ويجب تغير الاسلوب

38 ) فلسطيني / من البحر الى النهر
25/05/2011 00:04
متل ما قال رقم 6 فلسطيني اسالوا طلاب صفوا

39 ) عوض ضحيك / فلسطين
25/05/2011 00:05
قف للمعلم وفيه التبجيلا كاد المعلم ان يكون رسولا من علمني حرفا كنت له عبدا اللهم صلى وسلم على معلم البشرية أجمعين والله المعلم أحرص من الأب على طلابه

40 ) مش مسدقه المعلمه / فلسطين
25/05/2011 00:05
مع احترامي الشديد الكم وللتربيه والتعليم انا براي انو اكيد المدرسه والتربيه راح يبررو الموقف ويكونو مع المعلمه بس الولد ما كان يقبل يروح ع المدرسه ليش؟؟؟ مش بتوقع لانها كاند تقعدو جمبها وضايل تحكو كانت بتدلعه ... اشي ما بتصدق احنا كنا في المدارس وكنا نشوف ما في شي اسمو جمب المعلمه استيعابه بطيئ

41 ) مدرس صف أول / فلسطين
25/05/2011 00:05
والله الواحد مو عارف يصدق مين ؟؟؟؟؟؟؟؟؟؟؟؟؟؟؟؟؟ وفي النهاية المعلم خسران؟؟؟؟؟؟؟؟؟؟؟؟؟؟؟؟؟

42 ) فلسطيتي / فلسطين
25/05/2011 00:05
اطلعو على الولد بتفهمو الدرس
وكمان مهما يصير ما بصير يتهجم على المدرسة

43 ) عماد / فلسطين
25/05/2011 00:06
الصراحة المعلم انسان والطالب كمان انسان واذا تعاملنا بمعنى هذه الكلمة ما راح يكون هناك مشكلة ولكن انا القي اللوم على اولياء الامور بشكل كبير لانه ما بيعرف ابنه الا عندما يقع في مشكلة او عند ظهور النتائج انا مثلا معلم ارسلت في هذا العام 160 رسالة دعوة للاجتماع باولياء الامور لم يلب الدعوة الا اثنين

44 ) ضفاوي ضاوي / جمهورية قلقيلية
25/05/2011 00:06
الشعب يريد ابادة المعلمات ,,,

45 ) منى / فلسطين
25/05/2011 00:07
لم نسمع هيك مامنستغرب في اساتذة بتهجمو اعطلابهم وبكسروا ايديهم وبحلوها ودية بين الاهل والمدرسة كتيير فهادا شي بسيط ياللي كشفتلنا عنو معا

46 ) هيام / الاردن
25/05/2011 00:07
من بيطلع مع العروس ؟؟؟؟؟؟؟؟
اكيد راح يشوفو فبركة للمعلمة

47 ) اسمعين / فلسطين
25/05/2011 00:07
يعني بتتوقعوا من التربية تيجي وتقلكوا المعلمة غلطانة وهي فصلناها وهي اعتذار رسمي لولي امر الطالب .. ونحن بالمرصاد لأي تعدي على القانون والاخلاق ... هاظا الحكي بس في الليل

48 ) ابو الطماير / فلسطين
25/05/2011 00:10
طيب كانت تحكيلو يا كلب ويا حقير برضو لانه استيعابه بطئ برضو عيب يا وزارة التربية يلي بتسمو حالكم تربية وتعليم

49 ) ابو يزن / فلسطين - مدينة سلفيت
25/05/2011 00:10
بسم الله الرحمن الرحيم
اول احي مديرية التربية والتعليم على تفهم الموقف الذي قامو به من مجهود وثانية اريد ان اوضح صور كاملو وهي يجي الحق في الاستماع الى كافات شكوي الاباء والامهات لاني انا شخضيا عندما كنت طالب تعرضت للذى من قبل معلم الضرب على الظهر حتى النزف فارجو من له سلطة ن يقوم بواجبه الشرعي

50 ) تربوي / رام الله
25/05/2011 00:10
الى مديرة تربية نابلس المحترمة
يرجى تشكيل لجنة تحقيق من الاشراف والميدان والارشاد التربوي والتاكد من ملابسات الموضوع وسؤال مديرة المدرسة والطلبة والمعلمة وولي الامر واتخاذ الاجراءات اللازمة علما ان الموضوع ممكن حدوثه

51 ) زهرة المدائن / رام الله فلسطين
25/05/2011 00:11
احنا بنبعث اولادنا على المدارس ليتعلموا مش ليتبهدلو وارجوا من التربية والتعليم ان تتخذ جميع الاجرأت ضد المعلمين الذين يعاملون الاطفال بطريقة عنفوانية وهمجيه

52 ) فلسطين / فلسطين
25/05/2011 00:14
والله هاد عذر اقبح من ذنب ، حتى لو افترضنا جدلا انه بطيء التعلم فانه لا يجب ان يعامل بهذه الطريقة وان يكون واقفا لمدة شهر وان يكون مميزا عن اصدقائة مما سبب له عقدة نفسية وتدمير مستقبله ، ولكن الاقرب للصح انه كان معاقب بجانب سلة المهملات والدليل ان الطلاب قاموا باخبار الاب بذلك (الواسطة بتعمل كل شي)

53 ) هاني / فلسطين -غزه
25/05/2011 00:14
اعتقد ان مبرر التربيه والتعليم لا يقنع احدا فهل يعقل ان يقف الولد بجانب المعلمه طوال الحصه ولمد شهر بالاظافه الي الاهانه والشتائم وهل يقبل مدير التعليم ان يحدث ما حدث لاحد ابنائه لو لم تحاسب المدرسه يجب محاسبه المسئولين في التربه والتعليم

54 ) المغترب / الامارات
25/05/2011 00:14
صراحه انا اطعن في تحقيق ...لانه غير مقنع !!!!! لماذا لم تضعه في اول درج من الصف ؟؟؟ مع احترامي للجميع

55 ) معلم جرئ / فلسطين
25/05/2011 00:16
الخلل مش عند المعلمة هو عند اللي بدافعوا عن الخطأ ايمتا بدنا نصير نتحمل المسؤلية ونعلج الخلل يا اخوان الخلل في فساد الوزارة ووجود اناس ليس لهم علاقة بالتربية ودخلاء على التربية والتعليم يجب محاسبة اصحاب القرار في الوزارة ممثلين بالوزيرة والوكيل ومديرة التربية لان هدا لو حدث اوروبا لاستقالت الحكومة

56 ) العقاب / غزة
25/05/2011 00:17
نصيحة للمعلمين ليش ما يكون الرسول قدوتنا في التربية والتعليم هل الرسول عمرو غلط على حدا أو عمرو عاقب طفل صغير لا يتجاوز السبع سنوات أي حتى الصلاة الله أمرنا أن نعاقب عليها بعد العشر سنوات أي نحن من تعاليم ديننا أيها المعلمون

57 ) شاب فلسطيني مغترب / فلسطين
25/05/2011 00:19
لا اعتقد ان تقرير التربية صحيح .. هناك امور كثيرة تحصل في المدارس.. التربية لا ترد حتى لمجرد الرد عليها !!

58 ) فلسطين / فلسطين
25/05/2011 00:20
انا بقول انا في تحايل بالموضوع

59 ) انا / الخليل
25/05/2011 00:21
لكن حسب الخبر السابق ان والد الطفل ذهب الى المدرسة وسأل عن ابنه فوجده بجانب سلة المهملات (الزبالة) فكيف بيكون الولد بجانب المدّرسة الا اذا كانت موجودة بجانب الزبالة

60 ) نابلسية فلسطينية / فلسطين
25/05/2011 00:22
طيب يسألوا حالهم كمان المعلمين ليش الطلاب وبالذات الاطفال بكرهوا المدرسة قبل كل هادا الحكي...بعدين على قولهم انها موقفته حدها ليش توقفه ماتحطه عكرسي ادامها او تحطه عطاولتها اذا بحاجة لمتابعته في الدراسة ..هادا مو مبرر

61 ) معلم / فلسطين
25/05/2011 00:23
مالاحظته من التعليقات حول هذا الموضوع ان غالبيه المجتمع تكره المعلمين وخاصه الفئه الغير المتعلمه وذلك لاسباب عده .من ناحيه اخرى اتحدى والد الطفل وغيره ممن تلفظوا بكلمات نابيه على المعلمه ان يمارسوا هذه المهنه لمده شهر فقط وان يستوعبوا قله ادب ابنائهم وماذا سيفعلون.....الله يرحم احمد شوقي

62 ) المستقبل نراه في عيون الاطفال / فلسطين
25/05/2011 00:24
شكرا للتربيه على سرعة الرد،وهذا ان دل على شيئ فيدل على نجاح الاعلام بدوره في التعبير عن قضايا الناس ،اما رد التربية فهو جريمة بالاعلان عن صعوبة تعلم لدى الطفل وجريمة بآلية التعامل مع صعوبة تعلم كما ورد في الرد.. وندعو معا لتكثيف مثل هذه التقارير تحديدا قضايا الطفولة والنساء...

63 ) بحبك يا فلسطين / نابلس
25/05/2011 00:26
اولا كل احترام و تقدير لكل معلم و معلمة يقوموا بواجبهم على اكمل وجه
ولكن للاسف لا اعتقد ان هذا الرد شافي لو جانبها وضعته لما حدث كل ذلك و تقول له حقير و غيرها
مع الاحترام للتربية و لكن اشكال هذه المعلمات الى مزبلة التاريخ

64 ) ابو محمد / فلسطين
25/05/2011 00:28
قلتلكم الطالب غلطان مو لازم يصدقو ولي الامر وكمان طلع الاب متهجم علي الناظره كان لاوم يهديهم باقه ورد مو يرفع شكوا (كاسك ياوطن)

65 ) جنين \ فلسطين / فلسطين
25/05/2011 00:29
انا مع الاخ ( رقم 6 ) واحنا ما بدنا نظلم حد

66 ) ابو عبده / فلسطين
25/05/2011 00:32
الطلاب ما بتاخد منهم علم
كنت في المدرسة وزعت اكياس هدايا بها بعض الاغرض بالمدرسة
وجد طالب كيس جميل زيادة مع الهدية فاعطاه للمعلم
ولما ذهبت لهم قالو ان المعلم جميع كل الاكياس الجميلة منا
ولما تحققت عرفت انه كان كيس واحد اعطاه له طالب دون ضغط
فقد يفهم الغار شئ على غير حقيقته او يفسرونه كذلك

67 ) عبد الهادي زيتاوي / جماعين
25/05/2011 00:33
ما شاء الله و بكلسرعة عرفة تربية نابلس كيف تخلص حالها و المعلمة من الفضيحة
يعني فكركم الناس بتصدق شو بتألفو علشان تبرو حالكم
و الله عيب يعنيالصغار استحو يعملوها و يكذبو و يألفو
ما شاء الله كل المعلمين هيك احتراف في التأليف و التملص
انا بدعو والدالطفل ادعوه لنقل ابنه الى مدرسة خاصة و بسرعة

68 ) مجد نابلس / فلسطن
25/05/2011 00:34
والله ماعارفه شو هالرد من التربيه والتعليم يعني سبحان الله من كل الطلاب الي بصفه مافي غير هالولد عنده بطىء تعلم؟؟؟؟؟!!!بجد شو هالمهزله هاي والله المفروض هالمعلمه تتعاقب بالفصل لانه اكيد في غيرها بيستحق هالمهنه وحتى لو كان عنده بطء تعلم هدا دور المرشد الاجتماعي وبقوووول ليش الاطفال بكرهو المدارس ؟؟؟!

69 ) ابو الهموم / لم تعلن
25/05/2011 00:35
بلكي مكان المعلمه جنب السله

70 ) عز الدين نصار / مادما
25/05/2011 00:36
من خلال تجربتي في التربية هنالك بالفعل معلمين لا يجيدون التعامل مع الاطفال و ليس بحوزتهم ما يملكونه من اسلوب تعليمي ناجح فيتجهون للعنف و التهديد و العقاب لجعل الحصة هادئة و لكي لا تسمع المديرةاو المعلمة الزميلة صوت الضجيج و صراخ الاطفال و على هذا اقول انوضع المدارس الحكومية في انهيار على عكس الخاص

71 ) ابن البلد / نابلس
25/05/2011 00:40
.....................ان شاء الله ما في مشاكل وان شاء الله تكون التربيه بالتعامل مع متل هذه القضايا بشفافية وموضوعيه وما يكون هناك احد فوق القانون بتمنى هاد الشي

72 ) احمد عبد العزيز / نابلس
25/05/2011 00:41
السلام عليكم
بصراحه حرية الاعلام اصبحت تشبه الفلتان الامني يجب مراقبة الاعلام لان هناك عدم مصداقية فهم لمجرد عمل سبق صحفي حول قضية ما تصبح كل المحرمات مقبوله و على الطرف الاخر اثبات العكس انا اطالب المعلمة و التربية ملاحقة الموقع و الاعلامي قانونيا و عشائريا حتى يتم وقف الفلتان

73 ) B.aljabari / الخليل
25/05/2011 00:45
لفت انتباهي الانتقاد الشديد الذي واجهته المعلم على الخبر الاول وانا لا اقول ان المعلمة مسنودة كما يقال وانما ليكمون الحكم صائبا يجب الاستماع لكلا الطرفين والمواجهه /وانا اقول انكم لا تعلمون مدى الجهد والتعب الذي يقوم به المعلمون تجاة الطلاب الذين هم ابنائنا في الوقت الذي تنعدم فيه لمتابعه من الاهل

74 ) محمد ابو علي / فلسطين
25/05/2011 00:54
احسن شي ترجعايام الكتاتيب

75 ) احمد فيصل / طوباس
25/05/2011 00:57
ما شاء الله صارت التربية والتعليم انبياء بغلطوش بس الشعب اللي بغلط والاطفال البريئن همه اللي بغلطوا (لا حول ولا قوة الا بالله) **من المحال ان تقهر بالجدال رجلا جاهلا** بحاولوا ابرروا موقفهم ببعض جمل من الشارع

76 ) الفيسبوكي / فلسطين
25/05/2011 00:59
طبعاً المحاباة شغالة بكل وزاراتنا ومديرياتنا! يعني ان دكتور قتل مريض كل الدكاترة بيوقفوا مع الدكتور! واذا "معلمة" مش متعلمة ضربت طالب كل المعلمين بيوقفوا معاه!! معرووووووووووفة!! العبي غيرها يا وزارة التربية والتعليم !! حتضلي فاشلة للأبد!!

77 ) ابو عطا / فلسطين
25/05/2011 01:05
كل شخص بيحكي من وسع اول شي كتير ناس ما بيعرفوا يربوا اولادهم وتاني شي لو المدرس ضرب الطالب بس بحدود حتى يضبط الفصل ويكون الطالب ملتزم بواجباته المدرس الله يعينوا وما بشك باي مدرس بأي سلوك خاطئ حتى لو ضرب الطالب بس بحدود.

78 ) ابو يوسف / فلسطين
25/05/2011 01:07
المشكله بعد قراءه التقرير الذي تبنى روايه الوالد والردود عليه يظهر بما لا يدع مجالا للشك عدم وجود تواصل بين اداره المدرسه واولياء امور التلاميذ في مثل هذه الحالات لكي يتعاون البيت والمدرسه في حل المشكله

79 ) محمد النجار / المانيا
25/05/2011 01:11
بجد معا شبكة غريبة لما ايكون الموضوع سياسي وهام ما ابيسمحو التعليق علية
مع احترامي لتربية والمعلمين واهل الطلاب كمان بس التعليم في بلدنا كتيير بتاخر نتيجة لسياسات التربية ودلع الاهل لابنائهم

80 ) مخور / رفح
25/05/2011 01:14
سواء كان الاب بحالة نفسية او المعلمة مخطئة العاتق بقع علي التربية والتعليم لان الدرجة التي وصل بها التقرير علي وكالة معا يعتبر اهمال للمرشدين في المدارس
اين دور المرشد التربوي بالمدرسة

81 ) كتبتها بدموووع / فلسطين
25/05/2011 01:17
نرجو متابعة الامر .. لانه يا جماعه هاد طفل والله انعم ع والديه فيه .
الحاق اقصى عقوبه بالمدرسين الشاذين عن القوانين والتحيز بالاخص لانه الي بصير فينا مو من قليل اذا بنيتنا التحتيه مهدومه شو بستنوا من جيل اتربى على الحقد والكراهيه .
شكرا

82 ) محمد / بديا
25/05/2011 01:18
يعني الامر واضح انو كذب لانو مستحيل المعلمة طلعتو شهر لانها بدها يستفيد بس القصة شكلها تلفلفت

83 ) مهند / فلسطين
25/05/2011 01:20
نحن نرى الاخطاء التي تحدث في مختلف دوائر والوزارات الحكومية مثل في وزارة الصحة واحداث الوافاه نتيجة الاهمال الطبي التي اصبحت جزء من تقاليد مستشفيات الحكومية و وزارة الصحة في بعض الاحيان تنكر فليس بعيد عن وزارة التربية الانكار. انا كنت طفل وكنت اعذب من قبل المدرسين وليس هناك رقيب

84 ) ابو عطايا / فلسطين رفح
25/05/2011 01:21
اتمني انو يكون الكلام انو المعلمة تجلس الطفل بجانبها كي تهتم به ولوني مستبعد هدا ؟؟ قولولي ليش ؟؟اقلكم ليش ؟؟ لانو لو بدها تهتم بلطالب كان اجلست الطفل في اول مقعد هدا اولا اوكان اتصلت باهل الطفل وابلغتهم انو الطفل ضعيف في المدرسة علي الاقل يهتمو فيه احسن من هيك؟

85 ) محمد الريان / رام الله
25/05/2011 01:29
كلام التربيه والتعليم ليس منطقياً اطلاقاً ولا يقبله أي عقل سليم. إن كان فعلا الطالب يعاني من بطىء التعلم والاستيعاب، الا يجدر من المعلمه أن تضعه في المقعد الامامي أي بجانب مكتبها مباشرتاً على أن تضعه بالقرب من الزباله؟! هل مكان وقوف المعلمه أقرب للمقاعد الاماميه أم للزباله؟! هل هذا رد منطقي من وزارة

86 ) مداخلة لل جميع / فلسطين
25/05/2011 01:30
الحقيقة هيك مواقف انتهت من زمان .......... وهيك معلمة .الافضل لمعالي الوزيرة لميس ان تنفذ بها العقابات كما تعمل مع غيرها من قوانين التعليم ............. ان حرمانها من التعليم في المدارس اقل شي.............. اذا بدنا نطور لازم هاي تخدم بالسجن على شان نكون دولة حقيقية تحترم حقوق الانسان والاطفال

87 ) ابراهيم شقورة / فلسطين
25/05/2011 01:32
معلمو التعليم بحاجة لاعادة تأهيل وتدريب حول أساليب التعليم لأنهم يتعاملوا مع الطلاب كالدواب وهذا غير لائق بشعبنا

88 ) abood / gaza
25/05/2011 01:35
ليش يعني انتو وال مره تسمعو خبر زي هيييك عادي الي بعلمو ما بعرفو شي عن العلم والاولاد نفس الشي ....اقسم بالله بعرف راجل بنقولو ليش بتبعت ابنك ع المدرسه بقول في الدار غلب امه ببعتو ع المدرسه يغلب المعلمه .... لو علي قد هيك شوف اكم استاز مضروب من طالب واكم طالب معاقب او كسور راسو من استاز .....

89 ) ابن العنقاء / غزة /فلسطين
25/05/2011 01:36
الصراحه راحه هناك الكثير من الاخطاء والتجاوزات التي تحصل بالمدارس يجب الانتباه لها والى رقم 6 كفيت ووفيت يا ا خي دمتم بود وتقبلوا مروري

90 ) ابو النور / فلسطين
25/05/2011 01:39
بسم الله الرحمن الرحيم اول ما شفت الموضوع وعرفت انو بتعلق في التعليم حسيت انه اجت الفرصه لابوح عما يعتمل في صدري من ممارسات بعض المعلمين وفي الاغلب المعلمات ولا ادري بالضبط لماذا المعلمات بالذات هل هو تنفيس عن الضغط في البيت والاولاد ام ماذا فليتقوا الله في الطلاب الذين هم امل المستقبل والرحمة بهم

91 ) صقر / فلسطين
25/05/2011 01:45
يا جماعه والله هاى مسنووده المعلمة لانو الطلاب وخاصة الاطفال فى هاى المرحلة ما بيكذبوا انا مرشد تربوى تربوى فى احدى المدارس والله بشوف العجب من المدرسين مو الطلاب - يجب معابة المدرسة لانها تكذب وخاصة المديرة اللى دافعة عنها

92 ) فاطمه / اريحا
25/05/2011 01:46
بالنسبه للتربية هي اللي ضبضبت الموضوع ليش لانه ما بدها كوزارة تربية وتعليم انها تظهر عيوبها كوزارة تربية اسمحولي التربية والتعليم (فاشلة وغير ناجحة ابدا وفيها محسوبيات ووساطات كل واحد في وزارة التربية بعين اللي بقربله واللي بقرب لمرته او لانسبائه او لاخته اوالخخخخخخخخخخخخخخخخخخ يعني تربية مصالح

93 ) ابو العبد / العروب
25/05/2011 01:46
اهلا بكم في فلسطين عندما يكون صاحب الحق ظالما وعندما يكون الظالم مظلوما مؤسساتنا تقلب الحق باطلا لمصلحتها واصبح الطفل هو الظالم وهو بطيء الفهم ويعاقب لانه بطء الفهم اهلا بكم في دولة قلب الحق لمصلحة المؤسسة والنظام لازم تكون واصل لتكون صاحب حق اما تكون شخص عادي وتطالب بحقك المؤسسة بتاكلك لانهامدعومة

94 ) نسمان / فلسطين
25/05/2011 06:03
( يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا ) صدق الله العظيم
القصة مبالغ فيها كثيراً , وهذا يسيء إلى فلسطين العروبة و لمسيرة التربية العظيمة في فلسطين التي نفخر بها , ويجب تقديم والد الطفل للمحاكمة على البلبلة التي قام بها . وتصويره في المدرسة دون إذن

95 ) معلمه / فلسطين
25/05/2011 06:09
العقاب لخفيف شي ايجابي بالتعليم ويؤدي الي اهتمام الطالب الدراسه والحفظ
لكن كان المفترض علي المدرسه تخفيف العقاب لحصه واحده ولازم تلجا للعقاب اخر حل ممكن تستعمله

96 ) متشائل / فلسطين
25/05/2011 06:22
المدقق في اسلوب كتابة التعليقات يلاحظ الضعف في اللغة مما يدل على مستوى التعليم لديهم !!!!!!!!!!!!!!!!!!!!!!!!

Share/Bookmark

الاحتلال يطلق النار على تظاهرة شرق غزة
العثور على جثة مواطن داخل بئر جنوب الخليل
الإغاثة الزراعية تبدأ بتوزيع البذور الصيفية في محافظة بيت لحم
الزهار: ذاهبون للمصالحة على أساس الحفاظ على مشروع الجهاد والمقاومة
الجهاد تدعو لأسر جنود اسرائيليين
هولندا تعتمد انضمام دولة فلسطين لمعاهدة لاهاي
الاحتلال يداهم بلدية إذنا ومئات المستوطنين يحاولون إقتحام البلدة

الصورة التالية
الصورة السابقة
جميع الحقوق محفوظة لـ وكـالـة مـعـا الاخـبـاريـة © . 2005-2014