الجمعة: 21/06/2024 بتوقيت القدس الشريف

أغنية للقدس

نشر بتاريخ: 13/11/2015 ( آخر تحديث: 13/11/2015 الساعة: 19:13 )

الكاتب: سليم النفار

يا ابن القدس كل الامل جواك
وحدك هنا صامد بالموت بتعاند
وورود احلامك بتهز هالطغيان
بسلاح ايمانك وارجال اوطانك
صار المدى بركان
لا تفتكر هنا وحدك
رام الله من بعدك
وغزة رغم بعدك
صار الامل موال
يا ابن القدس انت لحن دربي
انت هدى قلبي لو طول المشوار
وسنين ورا سنين من قهري
لو ضيعت هنا عمري
ما اعطي غاصب ٍ ارضي صك ٍ من الغفران
يا ابن القدس حان الوقت لنضوي هالاوطان
وحدك هنا وحدك
بزنود اولادك , تعطي ميعادك
والكل من بعدك حيغني هالموال