الأربعاء: 30/09/2020

كلمات تبحت عن مطرب

نشر بتاريخ: 26/08/2019 ( آخر تحديث: 26/08/2019 الساعة: 07:39 )
كلمات تبحت عن مطرب
الكاتب: هادي زاهر
"نرفض نحنا نموت"
نرفض نحنا نبقى في البيوت
مش رح نترك الفرصة تفوت
نحنا أصحاب الدار
لازم نكون أصحاب القرار
كرامتنا قبل والقوت
مش رح نرضى نبقى ع الرف
بدنا ننشل سوااااااااااااااااا..
بعد ما القلب انكوا.. لقينا الدوا
مش رح نتفرق رح نبقى صف
نشبك كف بكف
أحسن ما يكلنا الحوووووت
رح نقلب الدف
ونبقى هون
ويسمع كل الكون
كرامتنا أفضل من الياقوت
قررنا وأحسنا الاختيار
نحنا مش زوار
نحنا الزُراع الصُناع والعُمار
نحنا أصحاب الدار
رح نصرخ نرفض نحنا السكوت
نحنا أدركنا الطريق
يا خيّ.. يا جار
يا ابن عمي.. همك من همي
قوتنا في اللمي
الوحدة جبروووووووت
رح نتدفق ع الصناديق
نقهر العدا ونسر الصديق
فرصتنا في التحليق
الشغلي بدها تدبير
مش رح نخلي الفرصة تفوت
ربع ساعة يا اهلي يا خلاني
اولادي احفادي في عنقي اماني
ربع ساعة لن أبخل فيها عن شعبي
عن اخواني
انا من صحاب الضمييييييير
صوتنا لا يعاني من الخفوت
ربع ساعة.. الها كل التأثير
بنقرر فيها المصير
فرصتنا الذهبية
مش لازم نتركها للحرامية
نحنا مش ضلع ناقص
موقفنا ثابت مش راقص
رح نطلع.. رح نطلع
وكل العالم يسمع
ونفرض اردتنا ع الطاغووووت
ونشكر القوة اللي جمعتنا
قوتنا من قوتها، وقوتها من قوتنا
لقينا الدوا.. ورح ننشل سوااااااا
ونبقى في ثبووووووت.