الإثنين: 15/08/2022

ودّينا لأرضنا ودّينا

نشر بتاريخ: 08/01/2022 ( آخر تحديث: 08/01/2022 الساعة: 00:36 )
ودّينا لأرضنا ودّينا

كلمات الشاعر : معاذ أحمد العالم

ودّينا المينا ودينا

نحنا وحبايبنا وأهالينا

نرجع للأرض إلِ ربّتنا

تنضم سهولا وبساتينا

ودّينا للتين وحباته

والعنب نلملم ورقاته

نعبي السّل من قطوفه

ومن خير الحقل وشجراته

ودّينا نعمر هالسّهرات

وبالورد نزين هالطرقات

وبالأوف نرندح ونغني

عتابا وأوف شبان وبنات

ودّينا نقطف شجرات

الزيتون ونعصر حباته

ومن زيته نضوي ساحتنا

ونرقص عالناي ونغماته

ودّينا وخلي الفرحة تعود

لأرض أجدادي وأرض الجود

تنعمر البيوت اللي

عاشوا أهالينا فيها عهود

ودّينا وخلي نار الشّوق

تحرق صهيون وتمحي الطوق

ويرحل عن أرضك يا فلسطين

ورايتنا تِعلى وتِفضَل فوق

* شاعر فلسطيني من بلدة "بيت ريما" يعيش في الأردن.