الثلاثاء:
30/04/2024
بتوقيت القدس الشريف
الكاتب: د. مازن صافي
سمعت مرة انو في الظاهرية بالخليل النا جذور ولما رحت على اﻻسماء لقيت في اسماء الكبار متشابهة حسن وحسين واسماعيل وعبدالقادر وعبدالرازق وشفيق .. بس صعب نتأكد ﻻنه الحكي يمكن عن مية وخمسين سنة او اكثر .. انا لما بقرا قصص اهلنا من المهجرين بالنكبة بتخيل كيف قدروا يخرجوا من حرائق الموت ومن صواريخ القتل ومن عصابات اﻻجرام الصهيوني .. ﻻ تصدقوا حدا ﻻ يوجد بطوﻻت عربية ﻻ يوجد حدا وقف يرد العدا اﻻ اجدادنا لما كانوا شباب وكتير منهم قتلوا وكتير منهم مش معروف حتى اﻻن وين هم .. احنا كلنا شعب مهجر منكوب .. احنا باختصار ﻻزم يكون لنا دولة وعاصمة ومطار وميناء واستقرار .. شوفوا كل اللي بيصير هو نكبة فوق نكبة .. انقسام الوطن نكبة ووجع انتظار المصير نكبة .. مرة ثانية لما بتخيل كيف انتقلوا تحت الموت اهلنا من فلسطين من يافا وحيفا وعكا واللد والرملة وقرانا وكيف وصلوا لشواطيء بعيدة ومشيوا عشرات الكيلومترات وتركوا مجبرين اﻻرض والزرع والبيت والذكريات واﻻحلام ما بصدق انو ممكن يحدث هذا قبل سبعين عام ..مؤكد الي وصلوا جزء بسيط من الكل اللي مات وانذبح وانحرق واعتقل وحاجات كتير .. كل مهاجر هو اخي وجاري وصديقي وشريكي في اﻻرض والمصير.
